Byltyr baılanys operatorlaryna 132 mln teńge aıyppul salyndy - Mýsın
2022 jylǵy 24 mamyr 14:26

Byltyr baılanys operatorlaryna 132 mln teńge aıyppul salyndy - Mýsın

NUR-SULTAN. QazAqparat – Ótken jyly qyzmet kórsetý sapasy nashar baılanys operatorlaryna 132 mln teńge aıyppul salyndy. Bul týraly QR QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın aıtty, dep habarlaıdy QazAqparat tilshisi.

«Biz ınternet tartpaımyz. Ol – básekelestik orta. «Qazaqtelekom» sııaqty ınternet, baılanys salasynda jumys isteıtin birneshe uıym bar. Olarǵa lıtsenzııa taratyp berip, baqylaımyz. 2019 jyly - 51, 2020 jyly - 93 tekserý júrgizilse, 2021 jyly - 562 tekseris bolyp, baılanys operatorlaryna 132 mln teńge aıyppul jazyp berdik. Bul degenimiz ne? Biz tekseris jumysyn kúsheıtip jatyrmyz. Biraq, tekseris jumystaryn kúsheıtý - maqsatymyz emes. Baılanys operatorlaryna aıyppuldy da 10 ese ulǵaıtpaqpyz. Ol Májiliste talqylanyp jatyr», - dedi mıınstr Aqtóbe oblysy jurtshylyǵymen kezdesý barysynda.

Baǵdat Mýsınniń atap ótýinshe, mobıldi operatorlarǵa salyqtyq jeńildikter berý máselesi sheshildi.

Ony ótken jyly depýtattar qoldap, Salyq kodesine arnaıy ózgerister engizildi.

«Baılanys operatorlary aýylǵa baryp, aqsha quısa, onda sol qarajatyn salyq tólemderi esebinen qysqartamyz. ıAǵnı, salyq tólemin azaıttyq. Biraq, ol sol qarajatty ınvestıtsııa retinde aýyldarǵa quıý kerek», - dedi ol.


Jańalyqtar

MURAǴAT