Buzylyp, jolda qalǵan avtobýs jolaýshylaryna kómek kórsetildi

PAVLODAR. QazAqparat – Jolda qalǵan «Nur-Sultan - Semeı» avtobýsyna polıtsııa qyzmetkerleri kómek kórsetken, dep habarlaıdy QazAqparat tilshisi.

«16 qarasha kúni saǵat 04.15 ýaqytynda «Pavlodar - Qyzylorda» jolynda, Shiderti aýylyna jaqyn mańda Pavlodar oblysynyń polıtsııa patrýli – kapıtan Amanjol Beısembaev pen leıtenant Qanat Nurımanov qozǵalyssyz turǵan avtobýsty kóredi. Tártip saqshylary avtobýsqa jaqyndap, onyń «Nur-Sultan - Semeı» baǵytynda júretinin, ishinde 49 jolaýshy bar ekenin anyqtaǵan. Onyń tórteýi - bala», - dep habarlaıdy Pavlodar oblystyq polıtsııa departamentinen.

Avtobýs jazǵy dızel otynymen júrgeni belgili bolyp otyr.

«Polıtsııa qyzmetkerleri oqıǵa týraly Tótenshe jaǵdaılar departamentine habar berip, basqa avtobýs taýyp berýge kúsh saldy. Odan keıin jolaýshylardy «Aqjol» kempıngine jetkizip, jyly jerge ornalastyrǵan. Zardap shekkender joq» delingen habarlamada.

Tańǵy saǵat 07.40 kezinde jolaýshylar basqa avtobýsqa otyryp, dittegen jerine attanyp ketken.