+7 (701) 759 90 19
USD 429.75 EUR 507.45
RUB 5.61 CNY 63.93
Jańalyqtar

BUU-da QR Prezıdenti usynǵan Terrorızmge qarsy kodekske qol qoıyldy

2018 jylǵy 29 qyrkúıek 20:16
Bólisińiz:
BUU-da QR Prezıdenti usynǵan Terrorızmge qarsy kodekske qol qoıyldy

NЬıÝ-IORK. QazAqparat - BUU shtab-páterinde Terrorızmnen azat álemge qol jetkizý minez-qulyq kodeksine qol qoıý rásimi ótti. Atalǵan qujattyń pysyqtalýy 2015 jyldyń qyrkúıek aıynda BUU Bas Assambleıasynyń 70-shi sessııasy sheńberinde Qazaqstan Prezıdenti Nursultan Nazarbaev kótergen bastama aıasynda júzege asyryldy, dep habarlaıdy QazAqparat.

QR Syrtqy ister mınıstrliginen málim etkendeı, saltanatty rásim Arnaıy joǵary deńgeıdegi is-shara formatynda ótkizildi. Kodekske álemniń 70 memleketiniń syrtqy ister mınıstrleri men joǵary ókilderi qol qoıdy.

Kodeksti Qazaqstan Syrtqy ister mınıstri Qaırat Ábdirahmanov tanystyrdy. Ol qujattyń negizgi maqsattaryn atap ótti - 2045 jylǵa qaraı terrorızmge qarsy halyqaralyq mindettemelerdiń keń aýqymyn is júzinde júzege asyrýǵa jáne terrorızmnen azat álemge keń jahandyq koalıtsııa qurýǵa serpin beriletin bolady. Kodeks alǵash ret qaýipsizdiktiń, terrorızmmen kúresýdiń jáne damýdyń ózara táýeldiligin moıyndaıdy jáne osylaısha Turaqty damý maqsattaryn alǵa ilgeriletýge yqpal etedi.


Bas hatshynyń orynbasary - BUU Terrorızmge qarsy kúres basqarmasynyń basshysy Vladımır Voronkov, Afrıka Odaǵynyń beıbitshilik jáne qaýipsizdik jónindegi komıssary Smaıl Shergı, BUU Qaýipsizdik Keńesiniń Terrorızmge qarsy kúres jónindegi komıtetiniń tóraǵasy Gýstavo Meza-Kýadra jáne BUU terrorızmge qarsy kúres ortalyǵynyń basshysy jáne Islam yntymaqtastyq uıymynyń terrorızmge qarsy kúres tobynyń basshysy Abdalla Al-Mýallımı baıandama jasady.

V. Voronkov Astananyń Minez-qulyq kodeksin daıyndaý boıynsha bastamasyn joǵary baǵalap, Qazaqstannyń BUU Qaýipsizdik Keńesinde, onymen birge terrorıstik qurylymdarmen kúresýge qatysty úsh sanktsııalyq komıtette basshylyq etýdiń tabysty jumysyn atap ótti. Terrorızmge qarsy baǵyt Bas hatshy Antonıý Gýterrıshtiń reformalar baǵdarlamasynyń basty basymdyqtarynyń biri bolyp tabylady. Jahandyq terrorızmge qarsy strategııanyń (JTS) júzege asyrylýy eń joǵary kelisýshilikti, áleýetti nyǵaıtýdy jáne senimdi seriktestikti qamtamasyz etedi. Oǵan qosa, ol JTS-ti iske asyrý jónindegi Ortalyq Azııadaǵy birlesken is-qımyl josparyn odan ári júzege asyrýdy jáne Qazaqstannyń oǵan donor retinde qosqan úlesin qýattady. Sonymen birge terrorızmge qarsy kúrestiń keshendi sharalaryn únemi jańartýǵa, onyń ishinde tıimdi preventıvti quraldardy qoldaný arqyly qajettilikke nazar aýdaryldy.

Sondaı-aq basqa baıandamashylar Kodekstiń halyqaralyq yntymaqtastyqty nyǵaıtýdaǵy jáne BUU-nyń terrorızmge qarsy arhıtektýrasynyń mańyzdy qadamy retinde qabyldanǵanyn atap ótti. Qujatta terrorıstik aktilerdi jasaýǵa terrıtorııany bermeý, terrorızmge tózbeýshilik jáne mundaı zulymdyqqa memlekettik jáne qoǵamdyq birtutas tásil sııaqty máseleler atap ótilgen. Qazaqstan usynǵan terrorızmniń aldyn alý jáne oǵan qarsy kúres strategııasynyń quramyna úsh negizgi element kiredi. Atap aıtqanda, terrorızmmen kúrestiń ózara baılanysyn nyǵaıtý boıynsha áleýetti qurý; ınnovatsııalyq aımaqtyq tásildi paıdalaný; sondaı-aq BUU sheńberinde úılestirýdi nyǵaıtý, ásirese, onyń BUU shtab-páterinde jáne tıisti jerlerde jumys ádisteriniń tıimdiligin arttyrý jáne ashyqtyq pen esep berýshilikti qamtamasyz etý.


Kezdesýge qatysýshylardyń pikirinshe, qujat halyqaralyq ınstrýmentarıı men terrorızmmen kúrestegi yntymaqtastyqty nyǵaıtý úshin mańyzdy negizge aınalady. Minez-qulyq kodeksi barlyq halyqaralyq qaýymdastyqtyń ujymdyq qoldaýyna laıyq jáne osyǵan baılanysty oǵan qosylatyn elderdiń sany jaqyn bolashaqta arta túsetinine úmit bildirildi. Sondaı-aq, is-sharaǵa qatysýshylar Kodekstiń postýlattary praktıkalyq túrde iske asyrylýyna jáne onda qamtylǵan mindettemelerdiń oryndalýynyń qajettiligine nazar aýdardy.

Minez-qulyq kodeksi terrorızmge qarsy kúres jónindegi 19 kólemdi halyqaralyq salalyq konventsııalarǵa qaraǵanda, terrorızmge qarsy kúrestegi mindettemelerdi qamtıtyn 10 qarapaıym jáne túsinikti postýlattary bar syıymdy qujat bolyp tabylady:

1. Terrorızmge qarsy halyqaralyq mindettemelerdiń keń aýqymyn praktıkalyq túrde iske asyrýǵa serpin berý;

2. Saıası nemese geosaıası maqsattarǵa jetý úshin terrorıstik toptarǵa tikeleı nemese janama qoldaý kórsetýge jol bermeý;

3. Terrorızmge qarsy kúrestiń keshendi sharalaryn jáne terrorızm men terrorısttik qyzmetti aldyn alý boıynsha júıeli qadamdardy qoldaý;

4. Terrorızmge qarsy kúrestiń keshendi tásilderin, atap aıtqanda, BUU qyzmetiniń negizgi baǵyttaryn biriktiretin beıbitshilik pen qaýipsizdikti, turaqty damýdy jáne gýmanıtarlyq keńistikti qoldaný;

5. Halyqaralyq deńgeıde ujymdyq kúsh-jigerdi, sonyń ishinde ekstradıtsııalaý nemese qylmystyq qýdalaý qaǵıdaty negizinde derekter men aqparatpen almasý, ózara quqyqtyq kómek kórsetý jáne qylmyskerlerdi qýdalaý nemese olardy terrorıstik akt jasalǵan elderge berý arqyly kúsheıtý;

6. Barlaý jáne aqparat almasý, shekara qaýipsizdigin nyǵaıtý, quqyqtyq jáne qylmystyq sot tóreligi salasyndaǵy sharalardy kúsheıtý, ózara almasýdy qamtamasyz etý jáne qajet bolǵan jaǵdaıda, ozyq tájirıbeni taratý sııaqty salalarda aımaqtyq yntymaqtastyq pen úılestirýdi qarqyndatý;

7. Terrorıster men olardyń jaqtastaryn aqparattyq-kommýnıkatsııalyq tehnologııalardy, sonyń ishinde Internetti, terrorıstik aktilerdi jasaý, ıtermeleý, jaldaý, qarjylandyrý nemese josparlaý maqsatynda paıdalanýdy boldyrmaý jáne oǵan qarsy turý jónindegi sharalardy qoldaný, sondaı-aq terrorıstik úgit-nasıhattyń taralýyn jáne beıbitshilikti, tózimdilikti, qatar ómir súrýdi jáne qurmetteýdi qoldaýǵa, oǵan qosa óshpendiliktiń, jalǵandyqtyń jáne terrorızmniń barlyq túrlerine jol bermeý úshin terrorısterdiń narratıvterin tıimdi strategııalaryn ázirleýge jáne iske asyrýǵa járdemdesý;

8. Terrorızmge qarsy kúreste halyqaralyq qoǵamdastyqtyń shuǵyl kelisilgen is-qımylyn júzege asyrý jáne onyń taralýyna yqpal etetin jaǵdaılardy sheshý, sonyń ishinde:

- JTS-ti oryndaý;

- úsh baǵytty strategııany alǵa ilgeriletý, sonyń ishinde: terrorızmge qarsy kúrestiń ózara baılanysyn nyǵaıtýǵa baǵyttalǵan áleýetti qurý; ınnovatsııalyq aımaqtyq tásildi qoldaný; sondaı-aq BUU sheńberinde úılestirýdi kúsheıtý, BUU shtab-páterinde jáne tıisti jerlerde jumys ádisteriniń tıimdiligin arttyrý jáne ashyqtyq pen esep berýshilikti qamtamasyz etý;

- BUU men onyń tıisti qurylymdarymen odan ári yntymaqtastyqty jáne úılestirýdi nyǵaıtý;

- praktıkalyq túrde yńǵaıly merzimde Halyqaralyq terrorızm týraly jalpyǵa ortaq Konventsııany jasaý týraly kelisimge qol jetkizý maqsatynda konsensýs qurýǵa talpyný;

9. Minez-qulyq kodeksi arqyly BUU-nyń 100-jyldyǵyna terrorızmnen erkin álemge qol jetkizýge umtylatyn áriptester koalıtsııasyn qurý;

10. Kodeks sheńberinde mindettemelerdi oryndaý jáne yntymaqtastyqy jandandyrý boıynsha kúsh-jigerdi qoldaý.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT