BUU bitimgershilik mıssııasyna qatysatyn áskerılerge qandaı basymdyq beriledi
2022 jylǵy 30 maýsym 10:40

BUU bitimgershilik mıssııasyna qatysatyn áskerılerge qandaı basymdyq beriledi

NUR-SULTAN. QazAqparat – QR Qorǵanys mınıstri Rýslan Jaqsylyqov BUU bitimgershilik mıssııalaryna jiberiletin áskerılerdiń áleýmettik jáne medıtsınalyq qamtylýy jóninde baıandady, dep habarlaıdy QazAqparat tilshisi.

«Zańǵa sáıkes, BUU bitimgershilik mıssııalaryna qatysý kezeńinde úsh ese jalaqy, qaıtyp kelgen soń memleket esebinen emdelý, jyl saıynǵy demalysqa eki apta qosymsha demalys beriledi. Qatysý kezeńi jeńildikti sharttarmen bir aıy bir jarym aı bolyp esepteledi», - dep jaýap berdi Qorǵanys mınıstri Parlament palatalarynyń birlesken otyrysynda depýtat saýalyna.

Onyń aıtýynsha, 2000 jyldarǵa deıin bitimgershilikke Qorǵanys mınıstrligi, shekara qyzmetteri jáne ishki ásker bólimsheleri tartyldy.

«Qazir Qorǵanys mınıstrligi – bul salada negizgi memlekettik organ. Degenmen, zańǵa sáıkes, bul másele barlyq memlekettik organ úshin qoljetimdi», - dedi R. Jaqsylyqov.

Memleket basshysy Qasym-Jomart Toqaev Parlamentke QR Qarýly Kúshteriniń bitimgershilik kontıngentin BUU mıssııalaryna jiberý týraly usynys engizdi. Birlesken palata otyrysynda depýtattar Prezıdent usynysyn qabyldady.

Jalpy sany 430 áskerı qyzmetshi Ortalyq Afrıkadaǵy turaqtandyrý jónindegi mıssııaǵa, Kongo Demokratııalyq Respýblıkasyndaǵy turaqtandyrý jónindegi mıssııaǵa, Malıdegi turaqtandyrý jónindegi mıssııaǵa jáne Lıvandaǵy ýaqytsha kúshter mıssııasyna jiberiletin boldy.


Uqsas jańalyqtar

Jańalyqtar

Úrdis

MURAǴAT