+7 (701) 759 90 19
USD 425.75 EUR 499.32
RUB 5.85 CNY 65.88
Jańalyqtar

BUU Bas Assambleıasynyń tóraǵasy Volkan Bozkyr resmı saparmen Qazaqstanǵa keledi

2021 jylǵy 8 shilde 16:16
Bólisińiz:
BUU Bas Assambleıasynyń tóraǵasy Volkan Bozkyr resmı saparmen Qazaqstanǵa keledi

NUR-SULTAN – BUU Bas Assambleıasynyń tóraǵasy Volkan Bozkyr myrza bıylǵy 8-9 shilde aralyǵynda Ortalyq Azııa boıynsha sholýy sheńberinde Qazaqstanǵa resmı sapar shegedi, dep habarlaıdy QazAqparat BUU baspasóz qyzmetine silteme jasap.

Sapar barysynda Qazaqstan Respýblıkasynyń Prezıdenti Q.Q. Toqaev, Qazaqstan Respýblıkasy Premer-Mınıstriniń orynbasary - Syrtqy ister mınıstri M.B. Tileýberdi, Qazaqstan Respýblıkasy Parlamenti Senatynyń Tóraǵasy M.S. Áshimbaev, sondaı-aq BUU-nyń Qazaqstandaǵy eldik tobymen kezdesý josparlanyp otyr.

BUU Bas Assambleıasynyń 75-sessııasynyń tóraǵasy bolyp saılanǵan túrik dıplomaty Volkan Bozkyr BUU buryn-sońdy bolmaǵan koronavırýs pandemııasymen kúresip, óziniń damýynyń strategııalyq baǵytyn damytýdyń syndarly sátinde qyzmetine kiristi.

50 jylǵa jýyq tájirıbesi bar memlekettik qyzmetshi Bozkyr myrza Batys Eýropa jáne basqa elder tobynan saılandy. Volkan Bozkyr nıgerııalyq Tıdjanı Mýhammad-Bandeniń ornyna BUU Bas Assambleıasynyń tóraǵasy boldy.

BUU Bas Assambleıa 75-shi sessııasynyń basym baǵyttary - COVID-19 qarsy kúres, kópjaqtylyq qaǵıdatyna adaldyqty rastaý, gýmanıtarlyq kún tártibin alǵa tartý, genderlik teńdik máseleleri, sondaı-aq 2030 kún tártibin júzege asyrý.

Volkan Bozkyr 2020 jylǵy 17 maýsymda BUU Bas Assambleıasy 75-sessııasynda tóraǵa bolyp saılandy. Bas Assambleıanyń 75-shi sessııasy 2020 jyldyń qyrkúıeginen 2021 jyldyń qyrkúıegine deıin jalǵasady.

Bozkyr myrza Ankara ýnıversıtetinde zańgerlik bilim aldy. 1972 jyldan beri ol dıplomatııalyq qyzmette. Birqatar joǵary dıplomatııalyq laýazymdarda bolǵan: Túrkııanyń Nıý-Iorktegi Bas konsýly, Rýmynııadaǵy elshisi jáne Túrkııanyń EO-daǵy turaqty ókili.

Bozkyr myrza 2011 jyly tuńǵysh ret Parlament depýtaty, sodan keıin kelesi úsh parlamenttik saılaýda depýtat bolyp saılandy.

Parlament depýtaty bolǵan toǵyz jyl ishinde ol Syrtqy ister komıtetiniń tóraǵasy, Túrkııa-AQSh parlamentteri arasyndaǵy dostyq tobynyń tóraǵasy jáne Túrkııa-Reseı qoǵamdyq forýmynyń tóraǵasy boldy.

2014 jyldyń tamyzynda ol Eýropalyq Odaq isteri mınıstri jáne kelissózder úderisine jaýapty bolyp taǵaıyndaldy jáne bul qyzmette 2016 jyldyń maýsymyna deıin boldy.

2018 jyldyń shilde aıynda ol tórtinshi ret Túrkııa Uly Ulttyq Májilisi Halyqaralyq ister komıtetiniń tóraǵasy bolyp saılandy.

Ol sonymen birge Túrkııa-Avstralııa parlamentaralyq dostyq tobyn basqarýda.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT