BUU Bas Assambleıasy: Germanııa ǵalamdyq jylynýmen júıeli kúrespek

NЬıÝ-IORK. QazAqparat – Germanııanyń kantsleri Angela Merkel ǵalamdyq jylyný problemasymen birlesip kúresýge shaqyrdy. Ol bul týraly BUU Bas Assambleıasynyń 74-shi sessııasynda aıtty, dep habarlaıdy QazAqparattyń arnaýly tilshisi.

«Klımattyń ózgerýi, ǵalamdyq jylyný sózsiz adamdardyń áreketterimen baılanysty. Sondyqtan da ǵalamdardyń sózderine qulaq asý qajet. Basty mindet – máseleni birlesip, birge sheshý óıtkeni barlyǵymyzdyń jalǵyz planetada turamyz. Biz Klımat máseleleri jónindegi Parıj kelisimin oryndap, soǵan qaraı baǵdarlanýymyz kerek», - dedi Angela Merkel.

Onyń sózine qaraǵanda, ǵalamdyq jylynýǵa ónerkásiptik elder óziniń áserin tıgizse, kóp jaǵdaıda damýshy elder zardap shegip otyr.

«Sondyqtan da biz ónerkásiptik damyǵan elderdiń ókili retinde barlyq qolda bar qarjy men bilimimizdi, zamanaýı tehologııa qoldana otyryp, planetadaǵy aýa temperatýrasynyń joǵarlaýyn báseńdetýge mindettimiz. Biz osy baǵyttaǵy qarajat kólemin 2 –den 4 mlrd evroǵa deıin ulǵaıtamyz. 1,5 mlrd evro «Jasyl» klımattyq qoryna túsedi. Sondaı-aq, bizde klımattyq máselelerdi saqtandyrý baǵyttarynda jumystar, orman alqaptaryn qorǵaý boıynsha sharalar jasalýda. Germanııa álem halqynyń 1% jáne zııandy shyǵaryndylardyń 2% quraıdy. Biz 2030 jylǵa qaraı kómirqyshqyl gazy shyǵaryndylaryn 55%, al 2050 jylǵa qaraı kómirtek neıtraly jaǵdaıyna kóshýdi qamtamasyz etemiz»,- dep túıindedi A. Merkel.