+7 (701) 759 90 19
USD 425.75 EUR 499.32
RUB 5.85 CNY 65.88
Jańalyqtar

BUU Aýǵanstandaǵy gýmanıtarlyq daǵdarys týraly eskertti

2021 jylǵy 14 shilde 21:39
Bólisińiz:
BUU Aýǵanstandaǵy gýmanıtarlyq daǵdarys týraly eskertti

NUR-SULTAN. QazAqparat – BUU-nyń Bosqyndar isteri jónindegi Joǵarǵy komıssary basqarmasy (BJKB) Aýǵanstanǵa gýmanıtarlyq daǵdarys jaqyndap kele jatqan týraly eskertti. Uıym boljamynsha qaqtyǵystyń ýshyǵýy túrli jaǵdaılar men beıbit turǵyndardyń jappaı qonys aýdarýyna ákep soqtyrady, dep habarlaıdy QazAqparat BUU Jańalyqtar ortalyǵyna silteme jasap.

Uqsas jańalyqtar
Prezıdent: Aýǵanstandaǵy aýyr gýmanıtarlyq jaǵdaıǵa basa mán berýimiz qajet ıÝNESKO Aýǵanstanda qyz balalardyń mektepte oqymaý máselesine alańdaýshylyq bildirdi Aýǵanstannyń jańa bıligi jastardyń Qazaqstanda bilim alýyna kedergi bolmaıdy dep úmittenemin - Toqaev

Tek 2021 jyldyń qańtarynan bastap shamamen 270 myń aýǵan azamaty úılerin tastap ketýge májbúr boldy. Qazirgi ýaqytta eldegi ishki bosqyndardyń jalpy sany 3,5 mıllıonnan asty. Sońǵy aptalarda Aýǵanstanda qaýipsizdik ahýalynyń nasharlaýy baıqalýda, kóptegen otbasynyń qaýipsiz jer izdep qashýdan basqa amaly qalmady.

Qonys aýdarǵan azamattyq tulǵalar BJKB men onyń seriktes uıymdaryna qarýly qaqtyǵystar týraly, memlekettik emes qarýly toptar tarapynan bopsalaý jaǵdaılary týraly jáne negizgi joldardaǵy qoldan jasalǵan jarylǵysh qurylǵylar týraly habarlaıdy. Urys júrip jatqan aýdandarda áleýmettik kómek qyzmetteri jumysyn toqtatyp jatyr, adamdar jumysynan aıyrylýda.

BUU-nyń Aýǵanstanǵa járdemdesý jónindegi mıssııasynyń derekteri boıynsha osy jyldyń birinshi toqsanynda azamattyq turǵyndar arasyndaǵy qurbandar sany 2020 jylmen salystyrǵanda 29 paıyzǵa artqan. Olardyń arasynda áıelder men balalar kóp.

Kenetten qashýǵa májbúr bolǵandarǵa qoldaý qajet. BJKB jáne onyń seriktesteri úılestirilgen sharalar aıasynda qonys aýdarǵan aýǵandarǵa baspana jáne aqshalaı kómek beredi, olardy azyq-túlikpen, sýmen qamtamasyz etedi, sondaı-aq olarǵa medıtsınalyq qyzmetter kórsetedi.

Uzaqqa sozylǵan qaqtyǵys, qonys aýdarýǵa májbúr bolǵan adamdar sanynyń ósýi, COVID-19, jıi kezdesetin tabıǵı apattar, sonyń ishinde qurǵaqshylyq, kedeılik aýǵan halqynyń shydamdylyǵynyń shegine jetti.

Eske salsaq, Aýǵanstandaǵy jaǵdaı kúrdelenip Aýǵanstannyń qarýly áskerıleri Ózbekstan men Tájikstan aýmaǵyna ótip ketken edi. «Talıban» qozǵalysy Aýǵanstandaǵy kóptegen jerlerdi basyp aldy. Sondaı-aq, Tájikstan Aýǵanstanmen shekarany nyǵaıtý úshin 20 myń sarbazdy áskerge shaqyrmaq. Jáne tálipterden qashqan bir top aýǵanstandyq Tájikstan shekarasynan ótip ketti.



Bizdiń kanalymyzǵa jazylyńyz:

Bólisińiz:

Avtor:

Aıaýlym Altynbek

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT