Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 378.17 EUR 429.11
RUB 5.88 CNY 56.48
Jańalyqtar

BUU arnaıy elshisi Astana protsesiniń kezekti kezeńine oń baǵa berdi

2018 jylǵy 18 mamyr 10:11 644
Bólisińiz:
BUU arnaıy elshisi Astana protsesiniń kezekti kezeńine oń baǵa berdi

ASTANA. QazAqparat - Qazaqstan delegatsııasy Sırııadaǵy saıası ahýal boıynsha BUU Qaýipsizdik keńesiniń kezekti otyrysyna qatysty. Bul týraly QR Syrtqy ister mınıstrliginiń baspasóz qyzmeti habarlaıdy. 

Bas hatshynyń Sırııa boıynsha arnaıy elshisi Staffan de Mıstýra Qaýipsizdik keńesiniń múshelerine 14-15 mamyrda Astanada ótken sırııaaralyq kelissózderdiń toǵyzynshy kezeńine qatysqany týraly aıtty.

BUU-nyń arnaıy elshisi joǵary deńgeıdegi 9-shy Astana májilisi aıasyndaǵy deeskalatsııa máselesine, ásirese Idlıb máselesine qatysty pikirtalastar kóńilinen shyqqandyǵyn jetkizdi.

Dıplomat oppozıtsııa men úkimet ustanymdaryn jaqyndastyrý turǵysynan sırııaaralyq kelissózderdiń nátıjelerin paıdaly dep atady jáne kezdesýdi joǵary deńgeıde uıymdastyrǵany úshin Qazaqstan basshylyǵyna rızashylyǵyn bildirdi.

S. De Mıstýra Sırııa shıelenisin sheshý boıynsha saıası protsestiń qyza túsetindiginen úmttenetindigin aıtyp, barlyq múddeli taraptardy osy baǵytqa kúsh salýǵa shaqyrdy.

Onyń pikirinshe, múddeli taraptarmen qolǵa alatyn «joǵary dıplomatııanyń» ýaqyty jetti, joǵary deńgeıdegi kezdesýler Sırııadaǵy beıbit ómirdi qalpyna keltirýge yqpal etýi kerek.

BUU janyndaǵy Qazaqstannyń turaqty ókili Qaırat Omarov óz sózinde Qaýipsizdik keńesiniń múshelerine sırııaaralyq kelissózderdiń 9-shy kezeńiniń qorytyndysy týraly málimet berip ótti. Sonymen qatar ol atalǵan máselelermen qatar taraptar Astanada ótken sońǵy 8 raýndtyq qorytyndylar boıynsha qol jetkizilgen kelisimderdiń júzege asyrylýyn qadaǵalaýdy qamtamasyz etý máselesi talqylanǵandyǵyn jetkizdi. 

 

 

 

 

 

Bizdiń kanalymyzǵa jazylyńyz:

Bólisińiz:
Zagrýzka...
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059
MURAǴAT