+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

BUU 75 jyldyǵy: Ál-Farabı atyndaǵy QazUÝ ǵalamdyq konferentsııa ótkizdi

2020 jylǵy 24 qazan 17:33
Bólisińiz:
BUU 75 jyldyǵy: Ál-Farabı atyndaǵy QazUÝ ǵalamdyq konferentsııa ótkizdi

NUR-SULTAN. QazAqparat - Birikken Ulttar Uıymy kúni qarsańynda ál-Farabı atyndaǵy QazUÝ ál-Farabıdiń 1150 jyldyǵyna, BUU-nyń 75 jyldyǵyna, BUU Órkenıetter alıansynyń 15 jyldyǵyna jáne BUU «Akademııalyq yqpal» baǵdarlamasynyń 10 jyldyǵyna arnalǵan ǵalamdyq konferentsııa ótkizdi. Konferentsııa Bas hatshy Antonıo Gýterrıshtiń BUU-nyń 75 jyldyǵyna oraı álemdik qoǵamdastyqqa arnaǵan beıneúndeýimen ashyldy.

BUU Bas hatshysy úndeýiniń negizgi leıtmotıvi – beıbit ómir úshin birigýge shaqyrý boldy. Jahandyq yntymaqtastyq pen áriptestik adamzat aldynda turǵan orasan zor qıyndyqtardy eńserýge jáne jarqyn bolashaq qurýǵa qolǵabys etedi. Osy negizgi tujyrym men «Beıbit ómirge arnalǵan sana» konferentsııasynyń taqyryby uly oıshyl ál-Farabıdiń qaıyrymdy qoǵam qurý úshin adamdardy biriktirý ıdeıalarymen úndes.

Halyqaralyq onlaın-kezdesýde BUU Bas hatshysynyń orynbasary Fabrıtsıo Hohshıld-Drammond, BUU Órkenıetter Alıansynyń joǵary ókili Mıgel Anhel Morratınos, BUU «Akademııalyq yqpal» baǵdarlamasynyń jetekshisi Ramý Damodaran, QR Syrtqy ister vıtse-mınıstri Erjan Ashyqbaev quttyqtaý sóz sóıledi. Ál-Farabıdiń shyǵarmashylyq murasyn álemdik azamattyq jáne turaqty damý jónindegi BUU baǵdarlamalarymen sınergııa turǵysynan qarastyrýǵa baǵyttalǵan joǵary deńgeıdegi is-shara BUU qurylymdary men baǵdarlamalarynyń basshylary, álemge tanymal ǵalymdar, belgili memlekettik jáne qoǵam qaıratkerleri, akademııalyq qoǵamdastyq pen BAQ ókilderiniń basyn qosty.


BUU Bas hatshysynyń orynbasary Fabrıtsıo Hohshıld-Drammond pen BUU «Akademııalyq yqpal» turaqty damý baǵdarlamasynyń jetekshisi Ramý Damodaran forým uıymdastyrýshylaryna alǵystaryn bildirip, qazaqstandyqtardy jáne álem qoǵamdastyǵyn órkenıettiń uly oıshyly ál-Farabıdiń 1150 jyldyǵymen quttyqtady. Sonymen qatar olar 2014 jyldan bastap tórtinshi ret qatarynan BUU-nyń «Akademııalyq yqpal» baǵdarlamasynyń Ǵalamdyq habyn basqaryp kele jatqan jáne osy baǵyttaǵy qazaqstandyq bastamalardy alǵa tartqan QazUÝ-dyń belsendi qyzmetin atap ótti.

«Bıyl Qazaqstan Prezıdenti Qasym-Jomart Toqaev BUU Bas assambleıasynda sóılegen sózinde jahandyq máselelerdi sheshýde kúsh-jiger biriktirýge arnalǵan birqatar mańyzdy jáne syndarly usynystar jasady. Máselen, bıologııalyq qaýipsizdik jónindegi halyqaralyq agenttik pen azyq-túlik qaýipsizdigi jónindegi halyqaralyq uıym qurý jónindegi usynys», – dedi Ramý Damodaran. Spıkerdiń pikirinshe, beıbit ómirge arnalǵan osy jáne basqa bastamalar álemdik qoǵamdastyqtyń asa úlken nazaryna laıyq.


Nıý-Iorkten halyqaralyq onlaın-kezdesý qatysýshylaryn qarsy ala otyryp, BUU Órkenıetter alıansynyń Joǵary ókili Mıgel Anhel Morratınos mereıtoılyq konferentsııada barshamen birge bolý ol úshin úlken mártebe ekenin basa aıtty. Ál-Farabı: «Tárbıesiz, adamgershilik qaǵıdatsyz bilim paıdanyń ornyna, zııan keltirýi múmkin» dep aıtyp ótken. Fılosoftyń bul dáıeksózi dúnıejúzindegi azamattyq bilim berýdiń ǵalamdyq baǵdarlamalaryna senim artýǵa bolatyn negiz. Ál-Farabı atyndaǵy QazUÝ ǵalamdyq azamattyqty qoldaı otyryp, uly gýmanıst murasyn qabyl aldy. BUU Órkenıetter alıansy ýnıversıtetpen seriktestigin jáne biz birlesip alǵa jyljytatyn ortaq qundylyqtardy maqtan tutady», – dedi Mıgel Anhel Morratınos.


Akademııalyq qoǵamdastyqtyń atynan negizgi spıker QazUÝ rektory, akademık Ǵalym Mutanov boldy, ol bilim men rýhanııat ıntegratsııasy negizinde jastardy álemdik azamattyq pen adamzattyń turaqty damýy rýhynda tárbıeleý mıssııasy erekshe strategııalyq mádenı áleýeti bar ýnıversıtetterge júkteletinin atap ótti. BUU baǵdarlamasynyń Ǵalamdyq haby retinde QazUÝ jańa býyn ýnıversıtetin – «Ýnıversıtet 4.0» damytýdyń ózindik modelin ázirlep júzege asyrýda. Ol tek ózi úshin ǵana emes, búkil adamzattyń taǵdyry úshin jaýapty, joǵary rýhanı-adamgershilik qundylyqtarǵa ıe el jáne álem azamattaryn qalyptastyrýǵa baǵyttalǵan. Nıý-Iorkte BUU-nyń shtab-páterinde usynylǵan bul modeldi halyqaralyq deńgeıde keńinen taratý usynyldy.


Konferentsııada sonymen qatar Qazaqstan, Qyrǵyzstan, Tájikstan, Ózbekstan boıynsha ıÝNESKO-nyń Almatydaǵy klasterlik bıýrosynyń dırektory Krısta Pıkkat, BUU-nyń Jahandyq kommýnıkatsııalar departamentiniń Qazaqstandaǵy ókili Vlastımıl Samek, Túrkııadaǵy Órkenıetter Alıansynyń úılestirýshisi Bekır Karlyga, Kastılıa-La-Mancha ýnıversıtetiniń (Ispanııa), Afınanyń Kapodıstrııa atyndaǵy ulttyq ýnıversıteti (Gretsııa) jáne álemdegi basqa ýnıversıtetterdiń ókilderi sóz sóıledi.

Halyqaralyq kezdesýge qatysýshylar qaýipsizdikti, adamzattyń beıbit jáne turaqty damýyn qamtamasyz etý maqsatynda kúsh-jiger biriktirý qajettiligi týraly ortaq pikir bildirdi. Osy oraıda, uly fılosof ál-Farabıdiń gýmanıstik murasy erekshe ózektilikke ıe ekendigin atady. Bul úderiste jastardyń jáne akademııalyq qoǵamdastyqtyń úlken rólin alǵa tarta otyryp, konferentsııaǵa qatysýshylar QazUÝ rektorynyń BUU-nyń jahandyq azamattyq tujyrymdamasyna sáıkes «Ýnıversıtet 4.0» deńgeıine qol jetkizý úshin álem ýnıversıtetterin biriktirý josparyn birlesip qarastyrý týraly usynysyn qoldady.


Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT