BUU: 16 mln ýkraındyq gýmanıtarlyq kómekke muqtaj
2022 jylǵy 2 shilde 12:25

BUU: 16 mln ýkraındyq gýmanıtarlyq kómekke muqtaj

NUR-SULTAN. QazAqparat – Ýkraınanyń 16 mln turǵyny sýdan baspanaǵa deıin gýmanıtarlyq kómekke muqtaj. Bul týraly búgin Kıevtegi baspasóz máslıhatynda BUU Ýkraınadaǵy gýmanıtarlyq máseleler jónindegi úılestirýshisi Osnat Lýbranı málim etti, dep habarlaıdy QazAqparat BUU Jańalyqtar qyzmetine silteme jasap.

BUU Gýmanıtarlyq mekemeler júıesi seriktes uıymdarmen jáne ýkraınalyq eriktilermen birge olardy qutqarý úshin bar kúshin salýda.

«Sońǵy tórt aıda Ýkraına búkil álemniń nazarynda boldy. Bul árıne jaqsy jaǵynan emes. Reseıdiń Ýkraınaǵa qarsy soǵysy bastalǵaly bul eldegi ár áıeldiń, ár erkektiń jáne ár balanyń ómiri qurtyldy: olardyń jaqyndary óltirildi, jaraqat aldy, otbasynan aıyryldy, myńdaǵan úıge bomba tastaldy. Bul azapty sózben aıtyp jetkizý múmkin emes», - dep atap ótti Osnat Lýbranı.

Ol búginde 16 mln ýkraınalyqtyń gýmanıtarlyq kómekke – sýǵa, tamaqqa, medıtsınalyq kómekke nemese baspanaǵa muqtaj ekenin aıtty.
«Bul tek yqtımal boljam. Qazir BUU seriktesterimizben birge qaıta qarap jatyr. Alty mıllıonnan astam adam ishki kóship-qonyp júrgender qatarynda. Bes mıllıonǵa jýyq adam týǵan jerine qaıta oraldy, biraq olar qaıta ketýge májbúr bolatyndaryn túsinip otyr. 5,3 mln ýkraınalyq basqa elderge bosqyn bolyp ketti», - dedi BUU úılestirýshisi.


Sýret: Foto VPP/ÝKK


Uqsas jańalyqtar
Seriktester jańalyqtary

Jańalyqtar

Úrdis

MURAǴAT