Burynǵy súıiktisine 20 jerden pyshaq salǵan kúdikti ustaldy

QARAǴANDY. QazAqparat – Qaraǵandyda adam óltirdi degen kúdikti ustaldy. Ol burynǵy súıiktisine 20 jerden pyshaq salyp, oqıǵa ornynan jasyrynyp, jarym aı boıy izdeýde bolǵan, dep habarlaıdy QazAqparat tilshisi.

Keshe tártip saqshylary kúdiktini ustady.

«23 qarashada jedel-izdestirý is-sharalary barysynda krımınaldyq polıtsııa qyzmetkerlerimen ustalyp, ýaqytsha oqshaýlaý ortalyǵyna qamaýǵa alyndy»,-dedi Qaraǵandy oblysy Polıtsııa departamentiniń baspasóz qyzmeti.

Eske sala keteıik, 10 qazan kúni saǵat 22.50 shamasynda Qaraǵandynyń medıtsınalyq mekemeleriniń birine pyshaq jaraqatyn alǵan 28 jastaǵy áıel jetkizildi. Qaraǵandy qalasy PB Kırov polıtsııa bóliminde kisi óltirýge oqtalý deregi boıynsha qylmystyq is qozǵalǵan bolatyn. Tergeý barysynda polıtsııa 23 jastaǵy er adamdy kúdikti retinde anyqtap, izdeý jarııalanǵan bolatyn.

Jaraqattanǵan qyz 10 kúnnen keıin aýrýhanadan shyǵaryldy.