+7 (701) 759 90 19
USD 389.98 EUR 434.01
RUB 6.10 CNY 55.04
Jańalyqtar

Burynǵy áskerı qyzmetshiler elordadaǵy jańa úıge kóshti

2019 jylǵy 19 qyrkúıek 15:45
Bólisińiz:
Burynǵy áskerı qyzmetshiler elordadaǵy jańa úıge kóshti

NUR-SULTAN. QazAqparat - Búgin Qazaqstan Qarýly Kúshteri qatarynda buryn qyzmet etken áskerı qyzmetshilerge elordada páter kilti berildi. Búgingi tańda Qazaqstan áskerinde júrgizilip jatqan aýystyrý baǵdarlamasy aıasynda 12 áskerı qyzmetshiniń otbasy jeke baspanaǵa qol jetkizdi, dep habarlaıdy QazAqparat Qorǵanys mınıstrliginiń baspasóz qyzmetine silteme jasap.

Áskerı qyzmetshilerdiń barlyǵy QR Qarýly Kúshterinde 10 jyldan 20 jylǵa deıin qyzmet etken. Osyǵan deıin olar otbasymen Qazaqstannyń ártúrli aımaqtarynda qyzmettik páterlerde turǵan. Atap aıtqanda, Aqtóbe, Jambyl jáne Almaty oblystary, Almaty, Aıagóz, Jarkent qalalary men Jetigen kentinde turyp keldi.

«Búgingi kúni qyzmetin aıaqtaǵan áskerı qyzmetshilerdiń turǵyn úı máselesin sheshý úshin baspanamen almasý baǵdarlamasy jumys isteıdi. Baǵdarlama aıasynda jekeshelendirilmeıtin qyzmettik páterdi qaladaǵy páterge jekeshelendirip, ony qaldyq baǵamen jekemenshik etýge bolady. QR Qorǵanys mınıstrligi resmı saıtynyń «turǵyn úımen qamtamasyz etý» bóliminde almasýǵa qoljetimdi páterler tizimi, sondaı-aq qajetti qujattardyń tizimi men is-áreket algorıtmi kórsetilgen. Almasýǵa usynylǵan páterlerdiń qurylys jyldary men aýdany boıynsha bólingen, budan qaldyq baǵasy ózgeredi. Kóp jaǵdaılarda qaldyq baǵasy naryqtaǵy baǵadan eki nemese birneshe ese tómen bolady. Qazirgi tańda Nur-Sultan, Almaty, Shymkent qalalarynda, sondaı-aq Almaty, Jambyl, Atyraý, Aqtóbe, Shyǵys Qazaqstan, Mańǵystaý, Qyzylorda, Aqmola jáne Qostanaı oblystarynda páter aýystyrýǵa qoljetimdi» delingen habarlamada.

Qazirgi kezde atalmysh baǵdarlamany 100-den astam otbasy qoldanǵan. Bul rette 664 burynǵy áskerı qyzmetshi jabyq jáne oqshaýlanǵan áskerı qalashyqtarda turyp jatyr, sondaı-aq aýystyrýǵa quqyǵy bar. Olardyń barlyǵy áskerde 10 jyldan 20 jylǵa deıin qyzmet etip, 2018 jyldyń 1 qańtaryna deıin Qazaqstan áskeriniń qatarynan ketken.

2020 jyly aqysyz jekeshelendirý quqyǵy ornyna aqshalaı ótemaqy tólemin bastaý josparlanyp otyr. Ony jabyq jáne oqshaýlanǵan áskerı qalashyqtarda turatyn, áskerde 20 jáne odan da kóp jyl qyzmet etken, 2018 jylǵa deıin qyzmetin aıaqtaǵan burynǵy áskerı qyzmetshiler alady.





Aıta keteıik, Qarýly Kúsh qatarynda 10 jyldan 20 jylǵa deıin qyzmet etken jáne 2018 jyly 1 qańtarǵa deıin Qazaqstan armııasynyń qatarynan ketken burynǵy áskerı qyzmetshiniń turǵyn úı máselesin sheshý úshin Qorǵanys mınıstrligi turǵyn úı zańnamasyna ózgeris engizý týraly bastama kótergen-di. 2018 jylǵy 1 qańtarda «Áskerı qyzmet jáne áskerı qyzmetshilerdiń mártebesi týraly» Qazaqstan Respýblıkasy Zańynyń 55-babynyń 6.1-tarmaǵyna ózgerister engizildi, oǵan sáıkes áskerı qyzmetshilerdiń osy sanaty úshin turǵyn úıdi memlekettik turǵyn úı qorynan aıyrbastaý qarastyrylǵan.



Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT