+7 (701) 759 90 19
USD 422.87 EUR 512.1
RUB 5.63 CNY 64.49
Jańalyqtar

Býrabaıda ashylǵan jekemenshik mektep: Jospardan tys tekserý bastaldy

2020 jylǵy 14 qyrkúıek 16:04
Bólisińiz:
Býrabaıda ashylǵan jekemenshik mektep: Jospardan tys tekserý bastaldy

NUR-SULTAN. QazAqparat – IQanat High School of Burabay mektebinde sanıtarlyq karantın talaptarynyń buzylý faktisi boıynsha jospardan tys tekserý bastaldy, dep habarlaıdy QazAqparat tilshisi.

Uqsas jańalyqtar
Koronavırýs: Qazaqstannyń 3 qalasynda bastaýysh mektep oqýshylary tolyqtaı qashyqtan oqytylady Tarazda qoǵamdyq orynda sanıtarlyq talapty buzǵandarǵa eskertý jasaldy Almatylyqtarǵa koronavırýspen kúres boıynsha tegin psıhıkalyq kómek kórsetilip jatyr

Esterińizge sala ketsek, áleýmettik jelide atalǵan sharada mektep oqýshylarynyń jáne óze de qatysýshylardyń maskasyz ári áleýmettik araqashyqtyqty saqtamaı túsken sýreti áleýmettik jelide taraǵan bolatyn.

Osyǵan oraı elimizdiń bas memlekettik sanıtar dárigeri Aıjan Esmaǵambetova bul faktini biletindigin jáne kináliler jazalanatyndyǵyn aıtqan edi. Sál keıinirek Aqmola oblystyq taýarlar men kórsetiletin qyzmetterdiń sapasyn jáne qaýipsizdigin baqylaý departamenti óńirlik polıtsııa departamentimen birlesip, sanıtarlyq karantın talaptaryn buzý faktisi boıynsha IQanat High School of Burabay mektebinde jospardan tys tekserý bastaǵany belgili boldy.

Bul jaıynda QR DSM Taýarlar men kórsetiletin qyzmetterdiń sapasyn jáne qaýipsizdigi baqylaý komıtetinen málim etti.

«Tekserý qorytyndysy boıynsha Qazaqstan Respýblıkasy bas memlekettik sanıtar dárigeriniń jáne Aqmola oblysy bas sanıtar dárigeriniń qaýlysy talaptaryn buzýǵa jol bergen zańdy jáne jeke tulǵalarǵa QR Ákimshilik kodeksi 425-baby 1-tarmaǵymen ákimshilik áreket etý sharalary qoldanylatyn bolady. Buǵan qosa, adamdar kóp jınalǵan atalǵan sharanyń Aqmola oblystyq taýarlar men kórsetiletin qyzmetterdiń sapasyn jáne qaýipsizdigin baqylaý departamentimen, Býrabaı aýmaqtyq basqarmasymen aldyn ala kelisilmegendigin habarlaımyz» delingen vedomstvo aqparatynda.

QR Bilim jáne ǵylym mınıstrligi de oryn alǵan osy jaıtqa oraı túsinikteme berdi.

«Bul - biregeı mektep. Metsenattar onyń qurylysyna jeke qarajatyn saldy. Bul mektepte aýyldan shyqqan, ótkizilgen olımpıada qorytyndysynan iriktep alynǵan daryndy balalar tegin bilim alady. Mektep ákimshiligi oqýshylar men mekteptiń pedagogıkalyq personaly COVID-19-ǵa 2 ret test tapsyrǵanyn, medıtsına qyzmetkerleriniń baqylaýymen eki apta oqshaýlaýdan ótkendigin habarlady. Sonymen qatar mektep oqýshylary birinshi toqsan boıy PTR-testin oqtyn-oqtyn tapsyryp otyrady», - dedi Bilim mınıstrliginen.

Mınıstrlik málimetinshe, mekteptiń ózi aýyldyq jerde ornalasqan jáne eldi mekennen oqshaýlandyrylǵan.

«Balalar sol jerde jatyp oqıdy. Mekteptiń ashylýyna QR Bilim jáne ǵylym mınıstrliginiń ókilderi shaqyrylǵan. Metsenattar aýyldan shyqqan talantty balalardyń bilim alýy úshin basqa da óńirlerde osyndaı mektepter ashýdy josparlap otyr», - dedi vedomstvodan.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT