+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

Býrabaı mańynda ornatylatyn Abylaı han monýmentiniń quny belgili boldy

2020 jylǵy 28 aqpan 16:37
Bólisińiz:
Býrabaı mańynda ornatylatyn Abylaı han monýmentiniń quny belgili boldy

NUR-SULTAN. QazAqparat –Býrabaı mańynda ornatylatyn Abylaı hanǵa arnalǵan monýment jobasyna konkýrs jarııalandy, dep habarlaıdy QazAqparat tilshisi.

Uqsas jańalyqtar
Abylaı hanǵa arnalǵan monýment: Memleket basshysy qoldaý bildirdi Býrabaıda demalý Túrkııadan nege qymbat – Ermek Marjyqbaevtyń jaýaby

«Byltyr qyrkúıek aıynda Abylaı han babamyzǵa arnalǵan elimizde úlken monýment boı kóterse degen ıdeıamen bólisken edim. Áleýmettik jelilerde bul taqyryp boıynsha qyzý talqylaý bolyp, sol jerde azamattardyń 95 paıyzy qoldaý bildirdi dep aıtsam ótirik emes. Sonymen qatar, memleket basshylyǵy tarapynan qoldaýǵa ıe boldyq. Búgin usynylyp otyrǵany bastapqy keskin (eskız) dep aıtýǵa bolady», - dedi qoǵam qaıratkeri Arman Shoraev Ortalyq kommýnıkatsııalar qyzmetindegi baspasóz máslıhatynda.

Onyń sózine qaraǵanda, jarty jyl merzimde atalǵan monýmentti ornalastyrý orny tyńǵylyqty zerdelendi.

«Osy oraıda, Semeıde, Ulytaýda nemese Almatyda ornatý týraly usynystar aıtyldy. Talqylaýlar kezinde Býrabaıdyń mańynda, Býrabaı men Kókshetaýdyń arasyndaǵy Kenesary aýylynyń janynda 90 metrlik jotany taptyq. Osy monýmenttiń bıiktigi shamamen 50 metrdi quraıdy. Sondyqtan ǵaryshtan kórinetindeı aýqymdy ǵımarat bolady dep oılaımyz. Bur rette tek qana músin emes, onyń tómengi bóliginde mýzeı, koferents-holl bolady. Jalpy bul joba Aqmola oblysynda, Býrabaı aýmaǵynda týrıstik salany damytýǵa ońtaıly yqpal etedi dep oılaımyn», - dedi qoǵam qaıratkeri.

Arman Shoraevtyń aıtýynsha, atalǵan jobaǵa qatysty erteńnen bastap halyqaralyq ashyq konkýrs jarııalanady.

«Búgin usynylǵan maket bastapqy nusqasy bolyp sanalady. Keıbir sáýletshilermen jáne músinshilermen kezdesip, jobany pysyqtadyq. Konkýrsty jarııalaýdyń maqsaty – qazaqy naqyshtaǵy erekshe nysanynyń qurylysyn júzege asyrý. Bul nysan ózin elektr qýatymen, jylýmen qamtamasyz etetin, ıaǵnı zamanaýı «jasyl» tehnologııalar engizilgen joba bolsa degen maqsat bar. Memleketten jer telimin, sol jerge tartylǵan joldy suraımyz. Nysan ornalasatyn jer negizgi avtojoldan bir shaqyrym qashyqtyqta bolady», - dedi ol.

Sonymen qatar, jobany júzege asyrý shyǵynyn asarlatyp eńserý josparlanyp otyr.

«Konkýrs erteńnen bastalady, al sáýir aıynyń 15-i kúni alǵashqy qorytyndyny jasaımyz. Komıssııa músheleri úzdik bes jobany iriktep alyp, olardyń avtorlaryna tıisti qarjyny bólip, maket jasatamyz. Amandyq bolsa, 7 mamyrda elordadaǵy áskerı mýzeıde konkýrsty qorytyndylaımyz. Komıssııa quramynda Máýlen Áshimbaev, Shota Ýálıhanov, Murat Áýezov, Tursyn Jurtbaı, Nurtóre Júsip, Darhan Myńbaı, Berik Ábdiǵalı, Tólegen Qajybaı, Dosqan Joljaqsynov, Murat Mansurov, Zııabek Qabyldınov sekildi namysyn nanǵa satpaıtyn azamattar bar», - dedi Arman Shoraev.

Onyń atap ótýinshe, bul monýmentti salyp, tolyqtaı iske asyrýǵa shamamen 5-7 mln AQSh dollary qajet bolady.

«Bul joba iske qosylǵannan keıin, aldaǵy ýaqytta ózin-ózi qamtamasyz etedi. Óıtkeni týrıster kóptep aǵylady dep josparlanýda», - dedi qoǵam qaıratkeri.

Eske sala keteıik, byltyr qarasha aıynda Memleket basshysy Qasym-Jomart Toqaev Aqmola oblysyn damytý máseleleri jónindegi keńeste Abylaı hanǵa arnalǵan monýment salý jobasyn qoldaý kerektigin aıtty.



Bizdiń kanalymyzǵa jazylyńyz:

Basty sózder: Qazaqstan tarıhy, Býrabaı, Qurylys,
Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT