Búldirshinderge arnalǵan «Meniń súıikti keıipkerlerim» atty ertegiler jınaǵy shyqty

NUR-SULTAN. QazAqparat - «Balapan» telearnasynyń 10 jyldyǵyna oraı «Balapan» álemi» serııasymen «Meniń súıikti keıipkerlerim» atty ertegiler jınaǵy jaryqqa shyqty.

Uqsas jańalyqtar

Almaty polıtseıleri halyqqa medıtsınalyq maskalar taratyp jatyr

Úsh jylda mektep kitaphanalarynyń materıaldyq-tehnıkalyq bazasy jańartylady Sheteldik JOO stýdentteri de medıtsınalyq qyzmetterdi tegin alady - BǴM Pedagog-kitaphanashylar bolady - Ǵanı Beısenbaev

Jınaqqa telearnanyń úzdik 10 anımatsııalyq jobasynyń negizinde jazylǵan ertegiler engizilgen.

«Elimizdegi tuńǵysh ári jalǵyz balalar arnasy «Balapan» bıyl 10 jasqa tolyp otyr. Telearna mereıtoıyna tartý retinde kishkentaı kórermenderimiz súıip kóretin 10 úzdik mýlthıkaıany ertegige aınaldyryp, usynyp otyrmyz. Bul - «Balapan» álemi» serııasymen jaryqqa shyqqan alǵashqy kitap. Kógildir ekrannan jaqsy tanys keıipkerlerdi búldirshinderimiz ertegiler elindegi qyzyqty oqıǵalar arqyly basqa qyrynan tanıtyny anyq.

Erteńgi el azamatyn tárbıeleýde óz qaharmandyrymyzdy úlgi etýimiz tıis ekenin únemi aıtyp kelemiz. Osyny eskere kele keıingi jyldary arna efırinen otandyq anımatsııalardy shyǵarýdy qolǵa alsaq, endi ondaǵy qaharmandardy ertegi keıipkerine aınaldyryp otyrmyz. «Balapan» arnasyn súıip kóretin kórermender bul kitapty da qyzyǵa oqıtynyna senimdimiz», - deıdi «Qazaqstan» teleradıokorporatsııasynyń Basqarma tóraıymy Lázzat Tanysbaı.

Kitapqa «Pyraqtar», «Kúlki izdegen Kúnekeı», «Ertemir», «Alan men Qozyqa», «Dala oıyndary», «Álı men Aııa», «Ertegiler eline saıahat», «Aıdar», «Erden atanyń áńgimeleri», «Qyzyl men Kúltegin» mýlthıkaıalarynyń ertegi nusqasy toptastyryldy.

«Balapan» telearnasynyń dırektory Maqpal Jumabaıdyń aıtýynsha, ertegiler jınaǵyn shyǵarýdaǵy basty maqsat - kórermen kózaıymyna aınalǵan keıipkerler men qaharmandar arqyly balalardy kitap oqýǵa qyzyqtyra otyryp, kishkentaı oqyrmandardyń kóbeıýine yqpal etý jáne bul bastama aldaǵy ýaqytta da jalǵady.

«Balaqaılar ekrandaǵy súıikti keıipkerlerimen kitap betterinde qaýyshyp, oı-qııaldaryn ushtaı túspek. Іzgilikke, otansúıgishtikke baýlıtyn, tilge jeńil bolsa da tereń mazmundy ertegiler búldirshinderdi kórkem de tartymdy ıllıýstratsııasymen de baýrap alady degen úmittemiz. Aldaǵy ýaqytta da «Balapan» álemi» serııasymen turaqty túrde kitaptar shyǵarýdy maqsat etip otyrmyz», - dedi Maqpal Jumabaı óz sózinde.

Jınaq aldaǵy ýaqytta «Balapan» kórermenderine syıǵa tartylyp, oblys ortalyqtaryndaǵy kitaphanalarǵa taratylady, Sonymen birge kitap dúkenderine satylymǵa shyǵarylady.