+7 (701) 759 90 19
USD 425.02 EUR 498.17
RUB 5.85 CNY 65.85
Jańalyqtar

Bul saılaý aýyl ekonomıkasynyń bazasyn ózgertedi – Qaısar Nyǵmetov

2021 jylǵy 26 shilde 15:14
Bólisińiz:
Bul saılaý aýyl ekonomıkasynyń bazasyn ózgertedi – Qaısar Nyǵmetov

NUR-SULTAN. QazAqparat – Elimizdiń 730 eldi mekeninde ótken ákim saılaýy aýyl ekonomıkasynyń bazasyn ózgertedi. Ulttyq qoǵamdyq senim músheleriniń kezdesýinde «Ekonomıkalyq zertteýler ınstıtýty» óńirlik zertteýler ortalyǵynyń dırektory Qaısar Nyǵmetov ákim saılaýynan osyndaı ımpýls kútetinin aıtty, dep habarlaıdy QazAqparat tilshisi.

Uqsas jańalyqtar

«Saılaýǵa oń baǵa berýge bolady. Úmitkerlerdiń basym bóligi ózin-ózi usyndy. Resmı qorytyndysy aıtylǵannan keıin tolyqqandy baǵa bere alamyz. Ákimderdiń tikeleı saılaýyn engizý - óte progressıvti reforma. Qazir biz jergilikti ózin-ózi basqarý tujyrymdamasy boıynsha jumys istep jatyrmyz, aýyldyq okrýg ákimderiniń ekonomıkalyq derbestigin arttyrýǵa qatysty, qandaı salyq túrleri olardyń quzyryna beriledi degen sııaqty máselelerdi pysyqtap jatyrmyz. Osynyń negizinde jańadan saılanǵan ákimderdiń jumysyna qajet aýyl ekonomıkasynyń bazasy jasalady», - degen sarapshy úmitkerlerdiń genderlik jáne jas quramyna toqtaldy.

«Resmı qorytyndy shyqqanda birneshe saýalǵa jaýap alamyz. Jeńimpazdar arasynda jergilikti jastardyń úlesi qandaı, jalpy ortasha jas qandaı, olar osy aýyldyń týmasy ma, álde jastar rezervinen tústi me? Osynyń bárin bilý qyzyqty bolar edi. Muny ázirge saılaý komıssııalarynyń qorytyndysynsyz anyqtaı almaımyz. Adamdar saılaýǵa kelip, naqty adamdardyń arasynan úmitkerdi tikeleı ózderi tańdaǵandyqtan, onyń keleshektegi jumysyna áser etemiz degen senimi bar. Qazir halyq óz keleshigne qatysty qandaı da bir sheshim qabyldaý kezinde pikirleri eskerilgenin qalaıdy. Sondyqtan tikeleı saılaýdyń alǵashqy tolqyny oıdaǵydaı ótti deýge bolady. Al naqty nátıjesin, aýyl ómirine qalaı áser etkenin bir-eki jyldyń aınalasynda kóre alamyz», - deıdi sarapshy.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT