Bul – meniń armanym: Golovkın Alvarespen trılogııa jóninde
2022 jylǵy 28 maýsym 04:10

Bul – meniń armanym: Golovkın Alvarespen trılogııa jóninde

NUR-SULTAN. QazAqparat – Qazaqstandyq boksshy Gennadıı Golovkın Meksıka ókili Saýl «Kanelo» Alvarespen ótkizetin jekpe-jeginiń mańyzdylyǵy týraly aıtty, dep habarlaıdy QazAqparat Sports.kz saıtyna silteme jasap.

«17 qyrkúıekte men úshin, ol úshin, barsha jankúıer úshin, jalpy boks úshin úlken jekpe-jek bolady. Biz boksty jańa deńgeıge kóteremiz. Múmkin, bul qazir bokstaǵy eń úzdik aıqas, tarıhı aıqas. Bul – meniń armanym!», - dedi Golovkın baspasóz máslıhatynda.

Sondaı-aq baspasóz máslıhatynda Saýl Alvares Golovkındi myqty boksshy ekenin moıyndaı otyryp, ony nokaýtqa jiberetinin aıtqan edi.

Al eki kún buryn ótken alǵashqy baspasóz máslıhatynda Qazaqstan sportshysy ózin ekijúzdi dep sanaıtyn «Kaneloǵa» tilshiler aldynda jaýap qaıtardy.

Eske salaıyq, Golovkın-Alvares úshinshi jekpe-jegi bıylǵy 17 qyrkúıekte Las-Vegas (AQSh) qalasyndaǵy T-Mobile Arena-da ótedi.

2017 jyly ótken alǵashqy aıqas teń aıaqtaldy. Rematchta tóreshilerdiń basym daýysymen jeńis «Kaneloǵa» berildi. Bul joly kezdesý sýperorta salmaqta ótedi. Bul dıstsıplınada Alvares absolıýtti chempıon bolyp tabylady.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT