«Bul ashkózdik pe?»: Qasym-Jomart Toqaev «Qazaqstan halqyna» qoryna qarjy aýdarmaǵan tanymal bıznesmenderdi synady
2022 jylǵy 28 qańtar 16:19

«Bul ashkózdik pe?»: Qasym-Jomart Toqaev «Qazaqstan halqyna» qoryna qarjy aýdarmaǵan tanymal bıznesmenderdi synady

NUR-SULTAN. QazAqparat – Memleket basshysy Qasym-Jomart Toqaev «Qazaqstan halqyna» qoryna qarjy aýdarmaǵan tanymal bıznesmenderdi synady, dep habarlaıdy QazAqparat tilshisi.

«Nur Otan» partııasynyń kezekten tys HHІ sezinde QR Prezıdenti Qasym-Jomart Toqaev «Qazaqstan halqyna» qoryna aqsha aýdarǵan kásipkerlerge alǵys aıtty.

«Bul arqyly sizder elimizdiń qaıyrymdylyq kómekke muqtaj azamattarynyń aldynda azamattyq jaýapkershilik tanytyp otyrsyzdar», - degen Prezıdent bastamaǵa atsalysýǵa asyqpaı júrgen qaltalylarǵa toqtaldy.

«Sonymen birge, olıgopolııanyń quramyna kiretin jáne tipti onyń bet-beınesine aınalǵan bıznestegi keıbir tanymal adamdar Memleket basshysy bastaǵan qaıyrymdylyq aktsııasyna qatysýǵa asyǵatyn emes. Bul ne: ashkózdik pe, nıgılızm be, ádepsizdik nemese nemquraılylyq pa?

Qalaı bolǵanda da, memleket bul suraqqa tolyq jaýap alý úshin qajetti barlyq ókilettikterge ıe. Óz tarapymnan iri bıznestiń qaıyrymdylyq protsesin retteıtin arnaıy Jarlyq shyǵarýdy josparlap otyrmyn», - dedi Memleket basshysy.

Aıta keteıik, Qasym-Jomart Toqaev «Nur Otan» partııasynyń Tóraǵasy bolyp saılandy.


Jańalyqtar

MURAǴAT