Jańalyqtar  >
Buqtyrma sý qoımasyna batyp bara jatqan er adam qutqaryldy
2022 jylǵy 14 tamyz 10:25

Buqtyrma sý qoımasyna batyp bara jatqan er adam qutqaryldy

ÓSKEMEN. QazAqparat – Shyǵys Qazaqstan oblysy Samar aýdanyndaǵy Buqtyrma sý qoımasyna batyp bara jatqan er adam qutqaryldy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, Samar aýdanyndaǵy Buqtyrma sý qoımasyna 40 jastaǵy azamat batyp kete jazdaǵan.

«Belgili bolǵandaı, er adam matraspen jaǵadan alysqa júzip ketken balaǵa kómektespek boldy. Kenetten ol sýǵa bata bastady. Muny baıqaǵan kýágerler kómekke umtylyp, ony sýdan alyp shyqqan», - delingen aqparatta.

Alaıda azamat jaǵada ózin jaısyz sezindi. Sol kezde oǵan qutqarýshy Nurjan Joljaqsynov alǵashqy medıtsınalyq kómek kórsetti. Qazirgi ýaqytta er adam aman-esen.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT