+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Búkil álem dombyra únine qulaq túrse deımin –Marjan Qapsamat

2020 jylǵy 30 qyrkúıek 15:19
Bólisińiz:
Búkil álem dombyra únine qulaq túrse deımin –Marjan Qapsamat

NUR-SULTAN. QazAqparat - 23 jastaǵy qazaqstandyq Marjan Qapsamat dombyramen kúı shertip, ony Instagram-daǵy paraqshasynda jarııalaýdy ádetke aınaldyrǵan. Ol osy arqyly dombyrany álemge tanytqysy keledi, dep habarlaıdy QazAqparat tilshisi.

Jaqynda Marjan týraly aqparat amerıkalyq Vogue jýrnalyna jarııalandy. Áıgili jýrnal ony Instagram áleýmettik jelisine salypty. Qyzǵylt túske boıalǵan kólde ulttyq kıimmen dombyra shertip otyrǵan Marjan sheteldikterdi birden baýrasa kerek.


Marjan mýzykanttar otbasynda dúnıege kelgen. Onyń týǵan-týysqandardy birneshe mýzykalyq aspapta oınaıdy. Ákesi dombyra tartyp, án salady. Marjan otbasynda dombyra tartýdy kásibı túrde sherte alatyn jalǵyz adam.

«Men dombyrany kásibı túrde meńgergenime 8 jyl boldy. Pavlodar oblysynyń Baıanaýyl aýdanynda dúnıege kelgenmin. Qaraǵandy qalasyndaǵy Táttimbet atyndaǵy óner kolledjinde oqydym. Bıyl Nur-Sultan qalasyndaǵy qazaq Ulttyq óner ýnıversıtetiniń «dombyra» bóliminde oqyp bitirdim», - deıdi Marjan Qapsamat.

Dombyra tartyp otyrǵan sátin vıdeoǵa túsirý týraly stýdent kezinen beri oılap júrgen eken. « Vıdeo túsirsem dep únemi oılap júretinmin. Ýnıversıtette oqyp júrgen kezimde mundaı múmkindik te, ýaqytym da bolǵan joq. Múmkin ol kezde osylaı vıdeo túsirýge daıyn bolmaǵan shyǵarmyn. Bir kúni Dınara Sátjan uıymdastyrǵan marafonǵa qatysyp, ol maǵan lokatsııany ózgertý týraly ıdeıa aıtty. Bastapqyda vıdeony kabınette túsirgen edim. Odan keıin ǵana tabıǵat aıasynda túsirdim. Kóılek pen ulttyq kıimderdi jalǵa alamyn», - deıdi ol.

Qazirgi ýaqytta elordada Marjannyń dombyra úıretetin jeke stýdııasy bar. Ol bul stýdııada sabaq berip, jas dombyrashylar býynyn daıyndaýda.

«Bizdiń stýdııada dombyradan basqa gıtarada oınaýdy jáne vokaldy úıretemiz. Bolashaqta óz mektebimdi ashqym keledi. Bizdiń ulttyq aspabymyz – dombyrany búkil álem bilgenin qalaımyn. Qazirgi ýaqytta dombyra úırengisi keletin sheteldikter kóp»,- deıdi Marjan.

Aıta keterligi, ulttyq kıimmen kórneki jerlerde shabyttana kúı shertken arýdyń áleýmettik jelide álemniń túkpir-túkpirinen jınalǵan oqyrmandary kóp. Onyń ónerine tánti bolyp, bas ııýshiler qatary da kúnnen kúnge artyp keledi.

«Bolashaqta elimizdiń túkpir-túkpirindegi kórikti jerlerde vıdeo túsirýdi jalǵastyrýdy josparlap otyrmyn. Múmkin bolashaqta Qazaqstandaǵy ǵana emes álemniń túkpir-túkpirindegi kórikti jerlerde vıdeo túsirý de buıyratyn shyǵar»,- deıdi ol.


Avtory Gúlzat Saqova


Bizdiń kanalymyzǵa jazylyńyz:

Bólisińiz:

Avtor:

Zarına Qaharman

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT