+7 (701) 759 90 19
USD 377.19 EUR 408.99
RUB 5.93 CNY 54.02
Jańalyqtar

Buhara Islam mádenıetiniń astanasy atandy - Sheteldegi qazaqtildi BAQ-qa sholý

2020 jylǵy 4 qańtar 13:18
Bólisińiz:
Buhara Islam mádenıetiniń astanasy atandy - Sheteldegi qazaqtildi BAQ-qa sholý

NUR-SULTAN. QazAqparat - «QazAqparat» HAA sheteldegi qazaq tilinde taraıtyn aqparat kózderine aptalyq sholýyn usynady.

Baıan-Ólgııdiń sport salasyndaǵy úzdikteri anyqtaldy - KAZNEWS

Baıan-Ólgıı aımaǵynyń sport salasynyń úzdikterin anyqtaýǵa arnalǵan «Altan Bambar – 2019» baıqaýy ótti. Baıqaý 31 jeltoqsanda qorytyndylanyp, úzdikter anyqtaldy. Alǵash ret uıymdastyrylyp otyrǵan baıqaýdy aımaqtyq Sport jáne Deneshynyqtyrý basqarmasynyń bastyǵy Qaınar Qaısanaıuly ashty, dep habarlaıdy mońǵolııalyq KAZNEWS aqparat portaly.

Sport salasynyń úzdikteri qataryna «Úzdik jas sportshy», «Úzdik jasóspirim sportshy», «Úzdik bapker», «Úzdik sport muǵalimi», sondaı-aq «Úzdik sport federatsııasy», «Úzdik ardager sportshy», «Úzdik sport klýby», «Úzdik sport quramasy» marapattaldy. Sonymen qatar bul jolǵy sport salasynyń úzdikteri qataryna «Úzdik sport jýrnalısi», «Sportty qoldaýshy úzdik uıym», jáne «Sportty nasıhattaýshy úzdik aqparattyq agenttigi» – Qabaıuly Ómirbekte (KazNıýs agenttigi úzdiksiz 8 jyl boıy sport salasyndaǵy aqparattardy taratyp keledi) engizildi.

Orhan Pamýk týyndylarynyń qansha tilge aýdarylǵanyn bilesiz be? - TRT

Nobel syılyǵynyń laýreaty, túrik jazýshysy Orhan Pamýktyń týyndylary 60-tan astam tilge aýdarylǵan, dep habarlaıdy Túrkııa Radıo Televızııa portaly.

«1952 jyly Stambýlda ómirge kelgen Orhan Pamýk Nobel syılyǵyn alǵan tuńǵysh túrik retinde tarıhta qaldy. Sonymen birge ol «TIME» jýrnaly tarapynan álemdegi eń yqpaldy 100 tulǵanyń qataryna engizildi. Jıyrma jasyna deıin sýret salyp, sýretshi bolýdy armandaǵan jazýshy Stambýl Tehnıkalyq Ýnıversıtetiniń sáýlet kafedrasynda oqydy. Sáýletshi de, sýretshi de bola almaıtynyn túsingen ol jýrnalıstıka mamandyǵyn oqydy. Biraq bul mamandyqtardyń eshbirin kásip ete almaıtynyn túsinip, 1974 jyly jaza bastady» dep jazady túrkııalyq BAQ.

Aıta ketý kerek, álem kóleminde «kóp satylǵandar» tiziminde oryn alǵan jazýshy Túrkııanyń kúrdeli tarıhyn romandarynda halyqaralyq arenaǵa tanystyrdy. 2006 jyly Nobeldiń Ádebıet syılyǵyna laıyqty dep tabylyp, romandary álemge tanyla bastaǵan. Jazýshynyń týyndylary 60-tan astam tilge aýdaryldy jáne 13 mıllıonnan kóp satyldy.

Altaılyq sportshy memlekettik jarysta «altyn» enshiledi – «Aǵajaı-Altaı»

Qytaıdaǵy Hılońjıań ólkesinde konkı tebý sportynan memlekettik chempıonat ótti. Bul sporttyq básekege Qytaı eliniń jer-jerinen kelgen 44 komandadaǵy 318 sportshy baq synasqan. Atalǵan jarysqa Altaı aımaǵy Kóktoǵaı aýdanynan kelgen áýesqoı sportshy Ertaı Qyranuly Shynjań komandasy atynan toptyq jarysqa qatynasty, dep habarlaıdy altxw.com .

Atalǵan aqparat kóziniń málimetine súıensek, bul jarysta er-áıelderdiń 500 metrlik, 1000 metrlik, 1500 metrlik jarysy, qysqa aralyqty toptyq jarysy, áıelderdiń 3000 metrlik, erlerdiń 5000 metrlik jarysy sııaqty 14 túrli jarys ótkizilgen eken.

«Chempıonat ótkizilgen kúni qandasymyz Ertaı Qyranuly Shynjańnyń aralas A komandasy atynan qatysyp, memlekettik básekede «altyn» medal enshiledi. Sondaı-aq Ertaıdyń jerlesi Erǵanat Aıtnamauly da erler tobynyń 5000 metrlik respýblıkalyq jarysynda 9–shy oryndy enshilep, kórneki natıjege qol jetkizdi», dep túıindeıdi qytaıdyq BAQ.

Buhara Islam mádenıetiniń astanasy atandy - «ÓzA»

Orta ǵasyrdyń mádenı oshaǵy men dinı bilim ortalyǵyna aınalǵan Buhara jyl basy 1 qańtardan bastap Islam mádenıetiniń astanasy atandy, dep habarlaıdy Uza.uz aqparattyq portaly.

«Uly ǵulamalar men kemeńger oıshyldardyń basyn qosyp álemdik jaratylystarǵa arqaý bolǵan, Ortalyq Azııany bylaı alǵanda shyǵys pen batystaǵy órkenıettiń qaınar oshaǵy sanalǵan kóne Buhara qalasy Islam yntymaqtastyq uıymynyń maquldaýy men bıyl 2020 jyl Azııadaǵy Islam mádenıeti astanasy bolyp jarııalandy» dep jazady «ÓzA» aqparattyq agenttigi.

Atalǵan aqparat kóziniń málimetinshe, jyl saıynǵy dástúr boıynsha Islam yntymaqtastyq uıymy álemdegi musylman memleketterinen quralǵan úsh qalany Islam mádenıeti astanasy dep jarııalaıdy. Sol turǵydan Azııadan «Buhara» bolsa, Arab elderinen «Kaır», Afrıka musylman elderinen «Bomako» 2020 jylda Islam mádenıeti astanasy dep jarııalanǵan.

Shińgil aýdany dástúrli mádenıet sharasyn ótkizdi – «Aǵajaı-Altaı»

1-2 qańtar kúnderi Shińgil aýdany erekshe dástúrli mádenıet sharasyn ótkizdi, dep jazady «Aǵajaı-Altaı» portaly.

Bıylǵy jańa jyldy qarsy alý «Dástúrli mádenı týrıstik mereke» dep ataldy. Olaı atalý sebebi bul jolǵy mádenı shara jalpyhalyqtyq deńgeıde ótken.

Shińgil aýdandyq oıyn-saýyq úıirmesi arnaıy daıyndaǵan kóntsert nómirlerimen mádenı sharanyń kórigin qyzdyrǵan.

«Eginshi-malshylar áshekeılep jasaǵan shana, arbalary arqyly týrısterge qyzmet ótti. Mádenı shara barysynda, baıyrǵy qar shańǵy jarysy, qysqy fotbol jarysy, at baıge, shańǵy tebý, qazaqsha kúres, tas kóterý, mashına súıreý qatarly ártúrli sporttyq sharalar arqyly kelýshilerdiń kóńilinen shyqty» dep jazady qytaılyq basylym.

Atalǵan aqparat kóziniń dereginshe, Shińgil aýdany mádenı týrızm kásibin damytyp, san-alýan kóńil ashý sharalaryn uıymdastyryp, qysqy týrızm arqyly aýdannyń ekonomıkasyn damytýǵa kúsh salýda.

Ózbekstandaǵy «Qazaqstan jyly» qandaı deńgeıde ótti? – «ÓzA»

2017 jyldyń 16-17 qyrkúıek kúnderi Qazaqstannyń Tuńǵysh Prezıdenti – Elbasy Nursultan Nazarbaev memlekettik saparmen Ózbekstan Respýblıkasynda bolyp, sapar barysyndaǵy kelissóz nátıjesinde Shavkat Mırzııaev pen baýyrlas eki halyqtyń arasyndaǵy jaqyndastyqty odan ári tereńdetýge septigi tıer bastama kóterip, onda 2018 jyly Qazaqstanda Ózbekstan jylyn ótkizýge, al 2019 jylda Ózbekstanda Qazaqstan jylyn ótkizý jaıly kelisim jasasqan bolatyn.

Osy kelisimge oraı ótken jyly Qazaqstanda Ózbekstan jyly joǵary deńgeıde ótip, osynaý álqıssa bastamanyń jalǵasy retinde bıyl Ózbekstanda Qazaqstan jyly jalǵasyn tapty» dep jazady Ózbekstannyń «ÓzA» memlekettik aqparat agenttigi.

Ózbekstandyq BAQ osylaı aıta kele ótken 2019 jyly Ózbekstandaǵy «Qazaqstan jyly» qandaı deńgeıde ótkenin, qandaı saıası, mádenı, ekonomıkalyq, yntymaqtastyq baǵyttaǵy is-sharalar bolǵany jaıynda keńinen sholý jasaǵan.

«Túrkiniń tarıhy jaralǵaly tamyry bir qazaq pen ózbek eliniń birligi, aspany bir, dini bir, salt-dástúri ortaq eki eldiń baýyrlas bolýy men kórshi kelýi Allanyń bergen syıy. Bıylǵy ótken Ózbekstandaǵy «Qazaqstan jyly» aıasynda tarıhta bolmaǵan jumystar atqarylyp, eki halyqtyń arasyndaǵy jaqyndastyq taǵyda tereńdeı túskeni sózsiz. Eki halyqtyń búgingi kúngi kórinisin Prezıdentimiz Shavkat Mırzııaev: «Ata-babalarymyz bizdiń qazirgi dostyǵymyzdy, shynaıy ári ashyq baılanystarymyzdy kórgende qýanatyn edi» degen bolatyn» dep sholýyn túıindeıdi uza.uz.


Bizdiń kanalymyzǵa jazylyńyz:

Basty sózder: BAQ,
Bólisińiz:

Avtor:

Beısen Sultan

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT