+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Búginnen bastap Qazaqstanda qatań karantın taǵy 2 aptaǵa sozyldy

2020 jylǵy 3 tamyz 00:00
Bólisińiz:
Búginnen bastap Qazaqstanda qatań karantın taǵy 2 aptaǵa sozyldy

NUR-SULTAN. QazAqparat - Qazaqstan boıynsha qatań karantın rejımi taǵy eki aptaǵa sozyldy. Ár aımaqtyń bas sanıtar dárigerleriniń qaýlysy boıynsha 3 tamyzdan bastap elde shekteý sharalary engiziledi, dep habarlaıdy QazAqparat tilshisi.

Uqsas jańalyqtar
Karantın kınobıznes salasyna qalaı áser etip jatyr Almatyda sanıtarlyq talapty buzǵan kásipkerlerdiń sany 62 paıyzǵa artty Qaraǵandy oblysynda karantın jeńildetildi

Eske sala ketsek, Memleket basshysy Qasym-Jomart Toqaev epıdemıologııalyq ahýaldy turaqtandyrý jónindegi keńes barysynda karantındi taǵy eki aptaǵa uzartýdy tapsyrǵan edi.

Keshe Nur-Sultannyń bas memlekettik sanıtar dárigeri Janna Prálıeva Nur-Sultan qalasynda qatań shekteý sharalaryn 2020 jyldyń 3 tamyzynan bastap uzartý týraly buıryqqa qol qoıdy.

Qaýlyda aıtylǵandaı, oıyn-saýyq, sport jáne basqa da buqaralyq is-sharalardy, sondaı-aq otbasylyq, eske alý, forým, konferentsııa, semınar, jınalys jáne basqa da jıyndardy ótkizýge tyıym salynady. Sport jattyǵýyn tek jeke jáne ashyq aýada ótkizýge bolady. Jeke, 3 adamnan nemese bir otbasy múshelerinen basqa tabıǵatqa ekskýrsııa, korporatıv, toptyq serýen uıymdastyrýǵa jáne ruqsat etilmegen jaǵajaılarda shomylýǵa tyıym salynady.

Sondaı-aq, 65 jastan asqan adamdardyń qalada jáne basqa da qoǵamdyq oryndarda júrýine shekteý qoıylady. Turǵylyqty jerinen shyqqan kezden bastap maska kııý boıynsha mindetti talaptardy saqtaý, 3 adamǵa deıin birge serýendeý kezinde adamdar arasynda keminde 2 metr áleýmettik qashyqtyqty saqtaý qajet.

Jumysqa baryp-qaıtýǵa, aýlalarda jáne saıabaqta, alańda, skverlerge, jaǵalaýǵa baryp serýendeýge - jeke, al birge qydyrǵanda 3 adamnan aspaıtyn toptarǵa ruqsat etiledi. Qoǵamdyq oryndarǵa, sonyń ishinde qalalyq qoǵamdyq kólikke jáne adam kóp jınalatyn obektilerge barý kezinde maska kııý jáne antıseptık paıdalaný jónindegi talaptardy qatań saqtaý kerek.

Odan bólek, sanıtarlyq-profılaktıkalyq is-sharalardy kúsheıte otyryp, ashyq aýada jumys isteıtin kóterme azyq-túlik jáne azyq-túlik satpaıtyn bazarlar saǵat 13.00-ge deıin ashyq turady. Sanıtarlyq-profılaktıkalyq is-sharalardy kúsheıte otyryp, ashyq aýadaǵy azyq-túlik jáne azyq-túlik satpaıtyn bazarlar jumys jáne demalys kúnderi saǵat 9.00-den 15.00-ge deıin isteýi kerek.

Tolyǵyraq aqparatty myna siltemeden oqı alasyzdar.

Elordada 3 tamyzdan bastap qoǵamdyq kólik qaıta júredi. Avtobýstar saǵat 6:00-den 21:00-ge deıin júredi. Qoǵamdyq kólikge maskasyz kirýge tyıym salynady.


***

Almaty qalasynda da qosymsha shekteý sharalary engizildi.

«Men qosymsha shekteýler týraly qaýly shyǵardym. Ol sımptomsyz naýqastardy baqylaýǵa baǵyttalǵan. Olar belgilengen úı karantınin buzbaýy tıis», - dedi Bekshın.

Karantın talaptaryn saqtamaǵan adamdardy arnaıy uıym karantınge jabady. Eger osy áreket birneshe ret qaıtalansa, olarǵa aıyppul salynady.


***

Shymkent qalasynda karantın 17 tamyzǵa deıin uzartyldy.

Shymkent qalasynyń bas sanıtar dárigeri Ábdimanap Tólebaevtyń qaýlysyna sáıkes, qala turǵyndary men qonaqtaryna qonaqtardy jınaýǵa baılanysty kez-kelgen sharalardy (eske alý, týǵan kún, mereıtoı, kórisý, qudalyq, betashar jáne basqalar) ótkizýge tyıym salynady.

65 jastan asqan adamdar úshin qalada jáne basqa da qoǵamdyq oryndarda qozǵalys shekteýli. Turǵyn úılerdiń aýlalarynda jáne úsh adamnan aspaıtyn toptar úshin qoǵamdyq oryndarda ornalasqan balalar oıyn alańdaryna barýǵa ruqsat etiledi. Qoǵamdyq oryndarǵa, adamdar kóp jınalýy múmkin nysandarǵa barǵan kezde, sonyń ishinde qoǵamdyq kólikterde, qoǵamdyq oryndarǵa barǵanda maska kııý jáne antıseptıkterdi qoldaný talaptaryn qatań saqtaý kerek.

Qalanyń barlyq sporttyq uıymdarynda oqý-jattyǵý jıyndaryn, lagerlerdi, jarystardy uıymdastyrýǵa, ótkizýge jáne qatysýǵa;

bilim berý ortalyqtarynyń, balalardy damytý ortalyqtarynyń, úıirmelerdiń, balalar men eresekterge arnalǵan kýrstardyń jumysyna;

Mektepke deıingi uıymdardyń jumysyna tyıym salynǵan.

SPA ortalyqtaryn, sport zaldaryn, fıtnes ortalyqtaryn, sporttyq-saýyqtyrý ortalyqtaryn, jabyq sporttyq qurylystardy, sport klýbtaryn, sektsııalardy, basseınderdi, akvaparkterdi, jaǵajaılardy, qoǵamdyq monshalardy, saýnalardy, sulýlyq salondaryn, shashtarazdardy, kosmetıkalyq qyzmet kórsetetin ortalyqtar men salondardy paıdalanýǵa tyıym salynady.

Azyq-túlik sýpermarketterin, dárihanalar men jazǵy terrassasy bar jáne statsıonarlyq tamaqtaný pýnktterin qospaǵanda, saýda jáne oıyn-saýyq ortalyqtarynyń, saýda úıleriniń, saýda jelileriniń qyzmetine tyıym salynady.


***

Shyǵys Qazaqstan oblysynda karantın sharalary kúsheıtildi. Tıisti qaýlyǵa ShQO Bas memlekettik sanıtar dárigeri Marat Ismaılov qol qoıdy.

«Shyǵys Qazaqstan oblysynyń aýmaǵynda buryn qabyldanǵan jáne engizilgen qatań shekteý sharalaryn 03 tamyz saǵat 00:00-den 17 tamyz 00:00-ge deıin uzartý kerek» delingen qaýlyda.

Shekteý sharalarynyń rejımi men sharttary aımaqtaǵy koronavırýstyq ınfektsııanyń (COVID-19) taralý jaǵdaıynyń ózgerýine baılanysty ózgertilýi múmkin.

***

Mańǵystaýda 3 tamyzdan bastap jańa karantın talaptary kúshine enedi.

Atap aıtqanda:

-​ qalaaralyq avtobýs tasymalyn toqtatý;

- ​qala mańyndaǵy jáne qalalyq qoǵamdyq kóliktiń jumysy toqtatý;

- jeke kólikpen jáne taksımen júrýge ruqsat etý;

- menshik nysanyna qaramastan barlyq uıymdarda jınalystar, keńester, konferentsııalar, forýmdar, semınarlar, sezder, kórmeler, trenıngter, oqytý kýrstaryn jáne adamdar kóp jınalatyn basqa da is-sharalardy, sondaı-aq otbasylyq, estelik is-sharalardy (banketter, úılený toılar, mereıtoılar, eske alý rásimderi t.b.), sonyń ishinde úıde jáne adamdar kóp jınalatyn basqa da is-sharalardy, sonyń ishinde ashyq aýada ótkizýge tyıym salý;

- mádenıet obektileriniń, murajaılardyń, teatrlardyń, kórmelerdiń jáne adamdar kóp jınalatyn basqa da obektilerdiń qyzmetine tyıym salý;

- 65 jastan asqan adamdardyń qozǵalysyn shekteý; - ​áleýmettik qashyqtyqty saqtaı otyryp, 3 adamnan aspaıtyn toptarmen nemese bir otbasy múshelerimen oıyn-saýyq obektilerinsiz saıabaqtarǵa, alańdar men skverlerge, jaǵalaýlarǵa jáne halyqtyń basqa da demalys oryndaryna barýǵa ruqsat berý qarastyrylǵan. Sondaı-aq saýda oıyn-saýyq ortalyqtarynyń, saýda úıleriniń, saýda jelileriniń (onda ornalasqan azyq-túlik sýpermarketterin, dárihanalardy obektilerin qospaǵanda), oıyn-saýyq mekemeleriniń (karaoke, kalıan, bılıard, kompıýterlik klýbtar, býkmekerlik keńseler, túngi klýbtar, boýlıng-ortalyqtary, attraktsıondar, balalardyń oıyn alańdary, batýttar jáne basqalar), kınoteatrlar, ​ fýdkorttar, banket zaldarynyń qyzmetine tyıym salyndy.

SPA-ortalyqtar, jattyǵý zaldary, fıtnes-ortalyqtar, sport-saýyqtyrý ortalyqtary, basseınder, qalalyq, qoǵamdyq jaǵajaılar, akvaparkter, qoǵamdyq monsha, saýna, sulýlyq salondary, shashtaraz, kosmetıkalyq jáne kosmetologııalyq qyzmet kórsetetin ortalyqtar men salondar, manıkıýr men pedıkıýr qyzmetterin kórsetetin massaj kabınetteri jáne ​jabyq azyq-túlik jáne azyq-túlik satpaıtyn bazarlar jumys istemeıdi.

Oblys turǵyndary​ jumys jáne qoǵamdyq oryndarda (saýda obektileri, kósheler, saıabaqtar, áýejaı), qoǵamdyq kólikte maska kıip, áleýmettik qashyqtyqty saqtaýy tıis. Odan bólek, qonaq shaqyryp, toı toılaýǵa tyıym salynǵan.

***

Qostanaı oblysynyń memlekettik bas sanıtar dárigeriniń orynbasary óńirde qatań shekteý sharalaryn engizý týraly qaýlyǵa qol qoıdy .

Shekteý sharalary týraly Qostanaı oblysynyń bas memlekettik sanıtarlyq dárigeriniń orynbasary ıÝ. Sevostıanov habarlady.

- Jumys kestesi saǵat 10:00-den 17:00-ge deıin kúsheıtilgen sanıtarlyq-dezınfektsııalyq rejımdi saqtaı otyryp bektiledi. Qurylys materıaldaryn, sanıtarlyq-tehnıkalyq jáne sanıtarlyq-gıgıenalyq taýarlardy, aýyl sharýashylyǵy men saıajaıǵa arnalǵan taýarlardy, avto jáne aýyl sharýashylyǵy tehnıkasyna arnalǵan qosalqy bólshekterdi, salttyq kerek-jaraqtar men taýarlardy ótkizýmen aınalysatyn dúkenderdi qospaǵanda, azyq-túlik emes dúkenderdiń qyzmetine tyıym salynady.

- Saıabaqtarǵa, alańdar men skverlerge, jaǵalaýlarǵa, qoǵamdyq jáne uıymdastyrylmaǵan jaǵajaılarǵa, halyqtyń ózge de demalys oryndaryna barýǵa tyıym salynsyn.

- jabyq úı-jaılarda (dárihana, dúken, keńse, medıtsınalyq uıym, Halyqqa qyzmet kórsetý salasyndaǵy uıym jáne basqalar), sondaı-aq qoǵamdyq kólikte (onyń ishinde taksıde) jáne kóshede bolǵan kezde barlyq adamdarǵa qorǵanysh maskalaryn mindetti túrde kııý kerek;


***

Atyraý oblysynda ýaqytsha shekteý sharalary 17 tamyzǵa deıin uzartyldy. Bul týraly oblystyń bas memlekettik sanıtar dárigeri Qanat Ǵaınedenovtiń 2 tamyzda qol qoıǵan qaýlysynda aıtylǵan.

Qaýlyǵy sáıkes, azyq-túlik dúkenderine saǵat 10:00-den 21:00-ge deıin jumys isteýge ruqsat berilgen.

Sonymen birge, azyq-túlik satpaıtyn dúkender, dámhanalar men meıramhanalar, kondıterlik ónimderdi daıyndaýmen jáne satýmen aınalysatyn saýda oryndary, zoodúkender «úıge jetkizý» qaǵıdatymen saǵat 10:00-21:00 aralyǵynda jumys isteı beredi. Dárihanalar tańǵy saǵat 8:00-den keshki saǵat 22:00-ge jumys isteıdi.


***

Baıqońyr qalasynda koronavırýs ınfektsııasynyń taralýyna jol bermeý jónindegi jedel shtab otyrysynda qala aýmaǵynda karantın sharalaryn uzartý jóninde sheshim qabyldandy.

Eki apta buryn shuǵyl shtab karantındi 2 tamyzdan bastap jumsartýdy josparlaǵan edi. Statıstıkaǵa sensek, shilde aıynda aýrý juqtyrý deńgeıi birshama tómendegen, biraq bul kórsetkish áli ornyqty emes. Sondyqtan shekteý sharalary taǵy bir aptaǵa, ıaǵnı 9 tamyzǵa deıin uzartyldy.

Shuǵyl shtab músheleri azyq-túlikke jatpaıtyn taýarlardyń taza aýadaǵy saýdasyn qaıta jandandyrý usynysyn qoldady. Oqshaýlaný rejıminiń ýaqyty - túngi 23:00-den tańǵy 06:00-ǵa deıin.

3 tamyzdan bastap Baıqońyr qalasyna kireberistegi ótkizý beketinde qaýipsizdik basqarmasy men qalalyq ákimshilik mamandary jumys isteıdi. Olar Tóretam men Aqaı eldimekenderi turǵyndarynyń shuǵyl jaǵdaıda qalaǵa bir márte kirip-shyǵýyna jáne qala halqynyń qaladan shyǵýyna ruqsat beretin qujattardy rásimdeıdi.

Bizdiń kanalymyzǵa jazylyńyz:

Bólisińiz:

Avtor:

Zarına Qaharman

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT