Búginnen bastap AMANAT partııasynyń tóraǵasy retinde ókilettigimdi toqtatamyn - Prezıdent
2022 jylǵy 26 sáýir 15:34

Búginnen bastap AMANAT partııasynyń tóraǵasy retinde ókilettigimdi toqtatamyn - Prezıdent

NUR-SULTAN. QazAqparat – AMANAT partııasynan shyǵý jóninde sheshim qabyldadym. Bul týraly partııa sezinde Prezıdent Qasym-Jomart Toqaev málim etti, dep habarlaıdy QazAqparat tilshisi.

«Men buǵan deıin partııa tóraǵasy laýazymynan bosap, uıym qatarynan shyǵatynymdy aıttym. Osy uıǵarymdy júzege asyratyn kez keldi. Búginnen bastap AMANAT partııasynyń tóraǵasy retinde ókilettigimdi toqtatyp, partııadan shyǵý týraly sheshim qabyldadym. Bul qadamnyń sımvoldyq máni bar. Osy oraıda Prezıdent saılaýynda maǵan senim artyp, qoldaǵandaryńyz úshin barshańyzǵa alǵysymdy aıtqym keledi. Sondaı-aq jaýapty sátte partııa tizginin senip tapsyrǵandaryńyz úshin rızashylyǵymdy bildiremin», - dedi Memleket basshysy.

Budan buryn habarlanǵandaı, sezd barysynda «ADAL» saıası partııasynyń «AMANAT» partııasyna qosylý máselesi qaraldy.

Prezıdent AMANAT partııasynyń tóraǵalyǵyna Erlan Qoshanovty usyndy.


Seriktester jańalyqtary

Jańalyqtar

Úrdis

MURAǴAT