+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Búgingi ákim saılaýynda zańbuzýshylyq anyqtalǵan joq – Partııalyq emes baıqaý ortalyǵy

2021 jylǵy 25 shilde 17:05
Bólisińiz:
Búgingi ákim saılaýynda zańbuzýshylyq anyqtalǵan joq – Partııalyq emes baıqaý ortalyǵy

NUR-SULTAN. QazAqparat – «Partııalyq emes baıqaý ortalyǵy» respýblıkalyq qoǵamdyq birlestiginiń jergilikti ókilderi ákimder saılaýynda zańbuzýshylyq tirkelmegenin aıtyp jatyr, dep habarlaıdy QazAqparat tilshisi.

Uqsas jańalyqtar

«Búgin aýyl ákimderiniń saılaýy ótip jatyr. Barlyq aýylda emes, tek ákimderdiń ókilettigi aıaqtalǵan aýyldarda ǵana. Al biz baıqaýshylardyń jumysyn uıymdastyrdyq. Baıqaýshylardy neǵurlym jergilikti turǵyndar arasynan tarttyq. Olar búgin baıqaýshy bolǵanymen, erteń sol aýylda qarapaıym turǵyn retinde ómir súredi. Sondyqtan saılaýdyń burmalaýsyz ótýine múddeli», - dep jazdy Partııalyq emes baıqaý ortalyǵy ShQO fılıalynyń tóraǵasy Aıaýjan Áshimova Іnstagram paraqshasynda.

Osy ortalyq atynan №726 saılaý ýchaskesindegi jaǵdaıdy baqylaǵan Anarhan Qabletova halyqtyń belsendi atsalysyp jatqanyn aıtady.

«Daýys berý jalǵasyp jatyr. Adamdar belsendilik tanytyp, óz tańdaýyn jasaýda. Eshqandaı quqyq buzýshylyq oryn alǵan joq», - deıdi Partııalyq emes baıqaý ortalyǵynyń ókili.

Aqmola oblysynyń Shortandy aýdanynda 9 eldi mekenniń ákimi búgingi saılaý nátıjesinde belgili bolady.

«Shortandy aýdanynda búgin tórt aýyldyq okrýg – onyń ishinde toǵyz eldi mekeniniń ákimderi tikeleı saılaý arqyly anyqtalady. Aýdandyq aýmaqtyq saılaý komıssııasynyń málimetinshe, aýdandaǵy 4 saılaý okrýginde 14 kandıdat tirkelgen. Onyń ishinde 4 úmitker Nur Otan partııasynyń atynan tússe, 10 úmitker ózin-ózi usynǵan. Daýys berý Novokýbanka, Andreevka, Prıgorodnyı jáne Bozaıǵyr aýyldyq okrýgterinde ótýde», - deıdi Shortandydaǵy beıtarap baıqaýshylar.

Partııalyq emes baıqaý ortalyǵynyń Shyǵys Qazaqstan oblysy Katonqaraǵaı aýdanyndaǵy Órel aýyldyq okrýgi boıynsha baıqaýshysy Aqbota Shákirtova daýys berý áli jalǵasyp jatqanyn, eń bastysy, barlyq sanıtarlyq talaptar saqtalǵanyn aıtady.

«Saılaýda daýys berý – ár adamnyń quqyǵy. El keleshegine beıjaı qaramaıtyn azamat tańdaý jasaıdy. Bul saılaý basqa saılaýlarǵa qaraǵanda ózgerek. Halyq aýyldyń ákimin ózi saılaıdy. Eger úmitkerlerdiń qaı-qaısysyna da kóńili tolmasa, «Bárine qarsymyn» degen baǵanǵa belgi qoıýǵa múmkindigi bar. Aýyl turǵyndary ózderi tanıtyn úmitkerge daýys berip jatyr», - dep jazdy Madııar Seısekeev esimdi baqylaýshy.

Kókshetaý qalasy ardagerler keńesiniń tóraǵasy Shııap Álıev te saılaýshylardyń arasynda bolyp, halyqpen sóılesip qaıtqanyn aıtady.

«Halyqtyń belsendiligi ótken saılaýlarǵa qaraǵanda edáýir artty. Saılaý kúni aýyl turǵyndarynyń saıası ómirge belsendiligi, olardyń eń aldymen ózderiniń eldi mekenderiniń bolashaǵyna jaýapkershiligikpen qarap, aıqyn tańdaý jasaıtynyn múltiksiz ańǵarýǵa bolady. Óziniń 30 jyldyq tarıhynda táýelsiz Qazaqstan Respýblıkasy áleýmettik-ekonomıkalyq jaǵynan báıgege keıin qosylsa da, qanatty júırik tulpardaı biraz elderdi qýyp jetip, tipti keıbireýlerinen ozyq turatyn jaǵdaıǵa jetti. Osynyń bir aıǵaǵy retinde joǵary deńgeıde uıymdastyrylǵan búgingi ótip jatqan saıası naýqan – aýyldar men aýyldyq okrýgter ákimderiniń tikeleı saılaýy», - degen qoǵam qaıratkeri 2021 jyldyń 25 shildesi tarıhta orny erekshe kún bolyp qalatynyn aıtty.

«Óıtkeni bul kún – aýyl turǵyndary óz eldi mekeniniń keleshegine, adamı qasıetpen bolashaqqa úlgi kórsetip, qalaýlysyn dep taýyp daýys bergen kún. Barlyq saılanatyn úmitkerlerge sáttilik, egemendi elimizdi damytý jolyndaǵy ıgilikti, aýqymdy isterine sáttilikter tileımin», - deıdi ardagerler keńesiniń basshysy.

Almaty oblysynyń «Azamattyq Alıansy» qaýymdastyǵynyń atynan №551 saılaý ýchaskeskinde baıqaýshy bolyp qatysyp jatqan Juldyz Temirbekova daýys berý protsesi barlyq talaptarǵa saı ótip jatqanyn aıtqan.

«Saılaý ýchaskesiniń jumysy qalypty júrip jatyr. Daýys berý protsesi barlyq talaptarǵa saı júrgizilýin qadaǵalaımyn jáne sizdermen saılaý ýchaskesindegi jańalyqtarmen bólisip otyramyn», - deıdi baıqaýshy.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT