+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Búgin - Ulttyq dombyra kúni

2020 jylǵy 5 shilde 07:30
Bólisińiz:
Búgin - Ulttyq dombyra kúni

NUR-SULTAN. QazAqparat - Búgin elimizde Ulttyq dombyra kúni. Jyl saıyn shildeniń alǵashqy jeksenbisine dóp keletin, ulttyq aspabymyzdy ulyqtaýǵa arnalǵan bul mereke QR Tuńǵysh Prezıdenti - Elbasy Nursultan Nazarbaevtyń jarlyǵymen 2018 jyldan beri elimizde keńinen atalyp ótedi, dep habarlaıdy QazAqparat tilshisi.

Este bolsa, 2018 jyldyń 13 maýsymynda qoǵamdy ulttyq mádenıet pen biregeılikti saqtaý men qaıta jańǵyrtý ıdeıasynyń tóńireginde odan ári toptastyrý maqsatynda shildeniń birinshi jeksenbisin Ulttyq dombyra kúni retinde belgileý týraly Nursultan Nazarbaevtyń Jarlyǵy jaryq kórdi. Sol jyly shildedegi alǵashqy jeksenbi 1-i kúnine dóp kelip, sol kúni elordanyń «Qazaq Eli» monýmenti aldyndaǵy alańǵa jınalǵan 2 myńnan astam mýzykanttan quralǵan dombyrashylar orkestri «Kóńil ashar», «Adaı», «Balbyraýyn», «Erke sylqym», «Saryarqa» kúılerin oryndaǵan edi.

Bul kórinisti Elbasy Nursultan Nazarbaev ta arnaıy kelip tamashalap, barsha qazaqstandyqtardy merekemen quttyqtaǵan edi.

«Halqymyz dombyraǵa úki taǵyp, tórine ilgen. Kúıshilerdi tóredeı kútip, tóbesine kótergen. Osy ıgi úrdis qazir de jalǵasyp keledi. Búgin «Qazaq Eli» alańyna jınalǵan myńdaǵan kúıshi osynyń aıqyn kórinisi. Rýhanı jańǵyrýǵa bet burǵan halqymyz qasıetti dombyra men qudiretti kúıdi qazaq qanshalyqty qadirleıtinin búkil elimizge, barsha álemge pash etip otyrmyz. Osy jerde kúmbirlegen kúıler bizdiń biregeıligimiz ben rýhanı tutastyǵymyzdy bildiredi. Ylaıym ár ýaqytta elimizge Jaratqan birlik bersin. Búgingi shara óskeleń urpaqtyń qasıetti dombyraǵa, ulttyq ónerge degen qulshynysyn arttyra túsedi dep bilemin. Ulttyq dombyra kúni barshamyzǵa qutty bolsyn!», - dedi Nursultan Nazarbaev.

Sondaı-aq Qazaqstannyń Tuńǵysh Prezıdenti shara barysynda eń jas qatysýshyǵa óz qolymen dombyra tartý etkeni este.

Al ótken jyly shildeniń alǵashqy jeksenbisi 7-si kúnine tuspa keldi. Bul kúni de elordadaǵy Qazaq eli monýmentiniń aldyndaǵy alań úlken sahnaǵa aınalyp, dombyrashylar bir mezette dombyra shanaǵanyn «Saryarqa», «Adaı», «Álqıssa», «Kóńil tolqyny», «Balbyraýyn» jáne «Kóreǵuly» kúılerin tógiltti.

Merekelik kontsertti tamashalaǵan Memleket basshysy Qasym-Jomart Toqaev qazaqstandyqtary quttyqtaı kele:

«Dombyra - búkil Qazaqstan halqyn biriktiretin teńdesi joq mádenı mura. Ulttyq rýhanııatymyzdy dáripteıtin mereke dombyranyń mártebesin bıikke kótere bersin! Barshańyzǵa rahmet, aman bolyńyzdar, qurmetti aǵaıyn!», - degen bolatyn.

Bıyl da Ulttyq dombyra kúni elimizde keńinen atalyp ótýi tıis bolatyn. Alaıda álemde, onyń ishinde elimizde de jaılaǵan koronavırýs indeti barlyq josparlanǵan is-sharalardy ótkizýge múmkindik bermedi.

Degenmen, soǵan qaramastan ulttyq aspabymyzǵa degen qurmet tómendemek emes.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Úmbet Sholpan
Úmbet Sholpan
954-059

MURAǴAT