+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Búgin – memlekettik qyzmetshi kúni

2021 jylǵy 23 maýsym 07:55
Bólisińiz:
Búgin – memlekettik qyzmetshi kúni

NUR-SULTAN. QazAqparat - 2014 jyldan beri 23 maýsym elimizde memlekettik qyzmetshi kúni retinde atap ótilip keledi, dep habarlaıdy QazAqparat.

Uqsas jańalyqtar

Bul ataýly kúnniń tarıhy HHІ ǵasyrdan bastaý alady. 2003 jyldyń naýryzynda BUU Bas Assambleıasy 23 maýsymdy Memlekettik qyzmet kúni dep jarııalaǵan qarar qabyldaǵan bolatyn.

Araǵa 10 jyl salyp, Tuńǵysh Prezıdent – Elbasy Nursultan Nazarbaevtyń Jarlyǵymen 2013 jyly 23 maýsym bizde de memlekettik qyzmetshiler kúni bolyp bekitildi.

2014 jyldan bastap Qazaqstanda memlekettik qyzmetkerler kúni atap ótile bastady.

2021 jyldyń 1 qańtaryndaǵy jaǵdaı boıynsha Qazaqstandaǵy memlekettik qyzmetshilerdiń shtat sany – 96 910.

Onyń ishinde saıası qyzmetshilerge – 739, «A» korpýsyna – 91, «B» korpýsyna – 96 080 shtat qarastyrylǵan. Bul shamamen árbir 196 turǵynǵa 1 memlekettik qyzmetshiden keledi degen sóz.

Bul týraly «Qazaqstan Respýblıkasyndaǵy memlekettik qyzmettiń jaǵdaıy týraly 2020 jylǵa arnalǵan ulttyq baıandamada» aıtylǵan.

Byltyr memlekettik qyzmetshilerdiń shtat sany biraz azaıtyldy. Jekelegen memlekettik organdardyń qurylymyn qaıta uıymdastyrý jáne ońtaılandyrý esebinen shtat sany 493 birlikke kemigen bolatyn.

Naqtyraq aıtsaq, «B» korpýsynyń laýazymdary 524 birlikke qysqarsa, saıası laýazymdar men «A» korpýsynyń laýazymdary tıisinshe 24 jáne 7-ge ulǵaıǵan.

Memlekettik qyzmet isteri agenttiginiń resmı aqparaty boıynsha, eldegi memlekettik qyzmetkerlerdi naqty sany qarastyrylǵan shtat sanynan kem.

Memleket basshysy Qasym-Jomart Toqaev byltyr mınıstrlikterdiń birinshi basshylarynyń jaýapkershiligin arttyrý múshin jaýapty hatshylar ınstıtýty taratýdy tapsyrǵan bolatyn.

Osylaısha memlekettik qyzmetshilerdiń naqty sany 2019 jylmen salystyrǵanda 89 005-ten 88 409-ǵa deıin qysqardy.

2021 jyly ortalyq jáne jergilikti memlekettik organdar shtat sanynyń lımıtterin 25%-ǵa ońtaılandyrý kerek bolǵan.

Eńbek kodeksi boıynsha júkti áıelder, úsh jasqa deıingi balalary bar analar, jalǵyzbasty analar, balalardy anasyz tárbıelep otyrǵan adamdar, sondaı-aq zeınetke shyqqanǵa deıin eki jyldan az ýaqyt qalǵan qyzmetkerler qysqartýǵa jatpaıdy.

Sondaı-aq, «Memlekettik qyzmeti týraly» Zańda qyzmet ótili úsh jyldan kem emes adam qysqartylǵan jaǵdaıda tórt jalaqy mólsherinde járdemaqy tóleý kózdelgen.

Agenttiktiń málimetin sensek, shtat sanyn 25%-ǵa azaıtý jospary qazirdiń ózinde oryndalyp qoıǵan.

Ol úshin birinshi kezekte memlekettik organdardyń bos jumys oryndaryn (8 501 birlik) ońtaılandyrý qolǵa alynsa kerek.

«Agenttiktiń ortalyq apparaty men aýmaqtyq bólimshelerinde tıisti jumystar júrgizilip, qyzmetshilerdiń naqty sanyn 25 %-ǵa qysqartý aıaqtaldy. Ortalyq memlekettik organdardyń shtat sany 51 227 birlikti (naqty – 46 529), jergilikti memlekettik organdardyń shtat sany – 45 683 birlikti (naqty – 41 880) qurady», - dep jazylǵan ulttyq baıandamada.

Bir qyzyǵy óńirler arasynda memleket qyzmetshilerine bólingen shtat sany ártúrli.

Osyny eskerip, bolashaqta shtat bólý máselesin óńirdegi turǵyn sanyna baılanysty qaıta qaraý josparlanǵan.

Óıtkeni halqy tyǵyz qonystanǵan aımaqtarda bir memlekettik qyzmetshige keletin halyqtyń sany turǵyny az óńirlerden eki ese kóp. ıAǵnı, júkteme de eki ese joǵary degen sóz.

Al sol úshin alatyn eńbekaqysy óńirdegi kúnkóris deńgeıine qaraı esepteledi.

Mysaly atalmysh kórsetkish Túrkistan oblysynda – 494, Almaty oblysynda – 489, Jambyl oblysynda – 405 bolsa, Pavlodar oblysynda – 252, Qostanaı oblysynda – 231, SQO-da – 190.

Eldegi memlekettik qyzmetshilerdiń 92%-ynda joǵary bilim bar. Qalǵan 8%-y orta jáne orta kásiptik bilim alǵan. Onyń shamamen 3 myńy - sheteldik joǵary oqý oryndarynyń túlekteri.

Ásirese «Bolashaq» halyqaralyq stıpendııasy túlekteriniń sany sońǵy 4 jylda 14%, Prezıdent janyndaǵy Memlekettik basqarý akademııasy túlekteriniń sany 13% ósken.

Qazaqstandaǵy memlekettik qyzmetshilerdiń ortasha jasy – 39. Naqty aıtsaq, 30 jasqa deıin – 21,6%, 30 – dan 40 jasqa deıin – 34,7%, 40 – tan 50 jasqa deıin – 23%, 50 jastan joǵary – 20,7%.

Keıingi jyldary memlekettik qyzmettegi áıelderdiń úlesi 55-56% jetken. Alaıda, basshylyq laýazymdarda olardyń úlesi 40%-ǵa jańa jetip otyr.

Bıyl shilde aıynan bastap memlekettik qyzmetshilerge eńbekaqy tóleýdiń faktorlyq-baldyq shkalasyn engizý josparlanǵan.

2020 jyly pılottyq kezeń aıasynda qyzmettiń tıimdiligin baǵalaýdan 54 394 qyzmetshi ótken. Onyń 32,2% «óte jaqsy» (17 536) dep baǵalansa, 61,7% «tıimdi» (33 571) dep tanylǵan.

Prezıdent Qasym-Jomart Toqaev «Halyq únine qulaq asatyn memleket» tujyrymdamasynyń aıasynda «servıstik» memlekettik apparat qurýdy tapsyrǵan bolatyn.

Ázirge bul mindetti «Ashyq úkimet» portaly atqaryp otyr. 2020 jyly «Ashyq Úkimet» portaly arqyly azamattarǵa 41 myńnan astam túsinikteme berilgen.

Bul - 2019 jyldyń kórsetkishinen úsh ese joǵary.

Búgingi kúni memlekettik qyzmetterdiń 90%-dan astamy elektrondy formatqa aýystyrylǵan.

2020 jyly memlekettik qyzmet týraly zańnamany buzý máseleleri boıynsha 743 tekserý júrgizilip, 15 myńnan astam zań buzý faktisi anyqtaldy.

360 laýazymdy tulǵa tártiptik jaýapkershilikke tartylyp, 190 ákimshilik is qozǵalǵan. Onyń qorytyndysy boıynsha 188 tulǵa ákimshilik jazaǵa tartylǵan.

Memlekettik qyzmet isteri agenttigi tóraǵasynyń orynbasary Darhan Jazyqbaevtyń aıtýynsha, memlekettik basqarýdyń jańa modeline korporatıvtik sektordyń oń tájirıbesi engizilmek.

Naqtyraq aıtsaq, memlekettik qyzmetkerlerdi jeke jáne kvazımemlekettik sektorda, halyqaralyq uıymdarda taǵlymdamadan ótkizý josparlanyp otyr.

Al óz jumysynda tyń bastamalar kóterip, jumysty tıimdi uıymdastyrý boıynsha utymdy usynystar aıtqan qyzmetshilerdi kótermeleýdiń tetikteri paıda bolmaq.

«Memlekettik basqarýdy damytýdyń 2030 jylǵa deıingi tujyrymdamasynda» qamtylǵan. «Korporatıvtik sektordyń oń tájirıbesin tabysty engizý maqsatynda memlekettik qyzmetshilerdiń kvazımemlekettik, jeke jáne halyqaralyq uıymdarda taǵylymdamadan ótýi josparlanýda. Memlekettik qyzmetshilerdiń bilimi men daǵdylaryn úzdiksiz arttyrý qamtamasyz etiledi. Bastamalar men ratsıonalızatorlyq usynystardy kótermeleý tetikteri engiziledi. Bul memlekettik qyzmette korporatıvtik mádenıetti jaqsartýǵa múmkindik beredi», - dedi agenttik tóraǵasynyń orynbasary.

Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT