+7 (701) 759 90 19
USD 397.56 EUR 445.94
RUB 5.82 CNY 55.96
Jańalyqtar

Búgin Qazaqstannyń iri kásiporyndary bir saǵatqa elektr energııasyn óshiredi

2020 jylǵy 28 naýryz 19:04
Bólisińiz:
Búgin Qazaqstannyń iri kásiporyndary bir saǵatqa elektr energııasyn óshiredi

NUR-SULTAN. QazAqparat – Qazaqstannyń iri kásiporyndary «Jer saǵaty» dúnıejúzilik aktsııasyna qatysyp, búgin saǵat 20.30-21.30 aralyǵynda elektr energııasyn óshiretin bolady, dep habarlaıdy QazAqparat.

«Búgin Jabaıy tabıǵat dúnıejúzilik qory uıymdastyrǵan jyl saıynǵy «Jer saǵaty« dúnıejúzilik aktsııasy ótýde. Bul, ǵalamshardaǵy jappaı ekologııalyq aktsııa bolyp tabylady. Osy kúni belgilengen ýaqytta ártúrli elderdiń adamdary bir saǵatqa elektr quraldaryn jáne kez kelgen jasandy jaryq kózderin ajyratady. Aktsııanyń máni – ǵalamshar klımatynyń ózgerýi problemasyna álemdik qoǵamdastyqtyń barynsha nazaryn aýdarý, osy problemany sheshý qajettiliginiń ıdeıasyna qoldaý kórsetý», - delingen QR Ekologııa, geologııa jáne tabıǵı resýrstar mınıstrliginiń málimetinde.

Aktsııaǵa álem boıynsha 188 eldiń eki mıllıardtan astam adamy qatysyp, 18 myńnan astam arhıtektýralyq eskertkishterdiń jaryǵy sónetin bolady.

Bıyl «Jer saǵaty» 28 naýryzda jergilikti ýaqyt boıynsha saǵat 20.30-dan 21.30-ǵa deıin ótedi.

Mınıstrlik respýblıkanyń 171 kásipornyn aktsııany qoldaýǵa shaqyrdy. Olardyń arasynda naqty qoldaý bildirgenderi: «ArselorMıttal Temirtaý» AQ, «Kaztsınk» JShS, «Úlbi metallýrgııalyq zaýyty» AQ, «Óskemen tıtan-magnıı kombınaty» AQ, «QazFosfat» JF JShS, «Taraz metallýrgııalyq zaýyty» JShS, «Qazatomónerkásip Saýran» JShS, «Qazahaltyn» AQ, «SSKÓB» AQ, «Qostanaı mıneraldary» AQ, «QazTransOıl» AQ, «Embimunaıgaz» AQ, «Teńizshevroıl» JShS, «Nort Kaspıan Opereıtıng Kompanı N.V.» «Qazaqstan alıýmınııi» AQ.

«Respýblıkanyń beı-jaı qaramaıtyn barlyq turǵynyn aktsııaǵa qatysýǵa shaqyramyz. «Jer saǵaty« komandasynyń bir bóligi bol!», - dedi QR Ekologııa, geologııa jáne tabıǵı resýrstar mınıstrliginen.


Bizdiń kanalymyzǵa jazylyńyz:

Bólisińiz:

Avtor:

Mıra Tólendiqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT