Búgin Qazaqstannyń basym bóliginde órt qaýpi saqtalady
2022 jylǵy 1 shilde 06:18

Búgin Qazaqstannyń basym bóliginde órt qaýpi saqtalady

NUR-SULTAN. QazAqparat - Búgin, 1 shildede Abaı oblysynyń batysynda tótenshe órt qaýpi saqtalady, dep habarlaıdy QazAqparat tilshisi Qazgıdrometke silteme jasap.

Sınoptıkterdiń boljamynsha, osy kúni Qyzylorda oblysynyń basym bóliginde de tótenshe órt qaýpi bolýy múmkin. Óńirdiń ortalyǵynda da osy ahýaldy nazarda ustaý qajet.

«1 shilde, kúndiz Batys Qazaqstan oblysynyń soltústik-batysynda naızaǵaı, burshaq, daýyl kútiledi. Jel ońtústik-batystan, ońtústikten soǵady, kúndiz oblystyń soltústik-batysynda ekpini – 15-20 m/s.

Pavlodar oblysynyń soltústiginde, batysynda batystan, soltústik-batystan jel soǵady, ekpini 15-20 m/s kútiledi. Oblystyń ortalyǵynda, ońtústiginde tótenshe órt qaýpi saqtalady.

Qaraǵandy oblysyndaǵy aýa raıy da osy sekildi, soltústiginde, shyǵysynda soltústik-batystan jel soǵady, ekpini 15-20 m/s kútiledi. Oblystyń ońtústik-shyǵysynda tótenshe órt qaýpi saqtalady», - dep jazdy vedomstvodan.

Sınoptıkterdiń zerdeleýinen belgili bolǵandaı, 1-2 shilde kúnderi túnde jáne tańerteń Soltústik Qazaqstan oblysynyń batysynda tuman kútiledi. Soltústik-batystan jel soǵady, búgin oblystyń soltústiginde, shyǵysynda kúshi - 15-20 m/s, kúndiz ekpini - 25 m/s. Al erteń jel kúndiz oblystyń shyǵysynda ekpini 15-20 m/s kútiledi.

Túrkistan oblysynyń taýly aýdandarynda soltústik-shyǵystan jel soǵady, kúshi - 15-20 m/s. Oblystyń soltústiginde, shóldi aýdandarynda tótenshe órt qaýipi saqtalady.

Aıta keteıik, Qyzylorda oblysynyń Jalaǵash, Aral, Shıeli, Qazaly jáne Qarmaqshy aýdandarynda, Mańǵystaý oblysynyń Beıneý jáne Mańǵystaý aýdandarynda, Atyraý oblysynyń Mahambet, Jylyoı, Qurmanǵazy jáne Balyqshy aýdandarynda 2022 jylǵy shilde aıynyń birinshi onkúndiginde atmosferalyq qurǵaqshylyq kútilýde.


Uqsas jańalyqtar

Jańalyqtar

Úrdis

MURAǴAT