+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Búgin - Qazaqstanda Analar kúni

2021 jylǵy 19 qyrkúıek 12:00
Bólisińiz:
Búgin - Qazaqstanda Analar kúni

NUR-SULTAN. QazAqparat – Jyl saıyn qyrkúıektiń úshinshi jeksenbisinde Qazaqstanda Analar kúni atalyp ótedi.

Uqsas jańalyqtar

Bul mereke Qazaqstan Respýblıkasynyń Tuńǵysh Prezıdenti Nursultan Nazarbaevtyń bastamasymen 2012 jyly bekitildi.

Sol jyly 8 naýryz merekesin toılaý qarsańynda otbasyndaǵy bereke men meıirimniń uıytqysy retindegi áıelderdiń róline erekshe baǵa berip, qazaqstandyq analarǵa syı kórsetý úshin arnaıy bir kúndi belgileý ıdeıasyn alǵa tartty.

Sondaı-aq Elbasy qazaqstandyq analardy «úı jumystary saıabyrsyp, molshylyq kezeń bolatyn» kúz mezgilinde quttyqtaýdy usyndy.

Kóp ýaqyt ótpeı Úkimet qaýlysymen Qazaqstan Respýblıkasy Prezıdentiniń 1998 jylǵy 20 qańtardaǵy «Qazaqstan Respýblıkasyndaǵy kásibı jáne ózge de meıramdar týraly» №3827 Jarlyǵyna tıisti ózgertýler engizildi.

Oǵan sáıkes, elde jańa meıram - Analar kúni merekesi toılanatyn boldy.

Shynymen de qazirgi kezde názik jandar túrli salalarda jetistikterge jetti.

Al bul mereke ár adamnyń ómirinde ananyń róli týraly eske salýǵa arnalǵan.

Analar bul ómirde aıryqsha mıssııany oryndaıdy , ıaǵnı ómirge bolashaq ǵalymdar, tanymal óner qaıratkerleri, olımpıada chempıondary keledi.

Elimizde Qazaqstan halqy Assambleıasy janyndaǵy Analar keńesi bar.

Olar óz qyzmetin elimizdiń úlken qalalarynan bastap árbir shaǵyn eldi mekeninde júzege asyrady.

Olardyń qurylýyna túrtki bolǵan QR Tuńǵysh Prezıdentiniń Qazaqstan halqy Assambleıasynyń 2013 jyldyń 4 sáýirinde ótken XX sessııasynda sóılegen sózi.

QHA janyndaǵy Analar keńesteri elimizde uıymshyldyqpen bir mezgilde, shamamen bir-eki aı ishinde qurylǵan bolatyn.

Birden olardyń qyzmetin biryńǵaı formatqa keltirý, jumystarynyń baǵytyn aıqyndaý boıynsha oı-pikirlerdi ortaǵa salyp, bir arnaǵa toǵystyrý qajettigi baıqaldy.

Sóıtip, 2014 jylǵy 13-14 qarashada elordada Analar keńesteriniń I Respýblıkalyq forýmy bolyp ótti.

Analar keńesterine múshelikke kirem deýshilerge shekteý joq.

Qazirgi ýaqytta elimizdiń óńirlerinde 16 oblystyq, 47 qalalyq, 270 aýdandyq, 1239 aýyldyq analar keńesi jumys isteıdi.

Sondaı -aq etnomádenı birlestikter janynan 105, kásiporyndarda 33 analar keńesi quryldy jáne belsendi jumys isteıdi.

Keńesterdiń quramynda kópbalaly analar, memlekettik qurylymdardyń, úkimettik emes uıymdardyń qyzmetkerleri, psıhologııalyq-medıtsınalyq mekemeler, daǵdarys ortalyqtarynyń mamandary, etnomádenı birlestikterdiń, ǵylymı jáne shyǵarmashylyq zııaly qaýymnyń ókilderi, áıelderdiń qoǵamdyq uıymdarynyń belsendileri, medıatorlar, jastar bar.

Analar keńesi bizdiń ulttyq qundylyqtarymyz jańǵyrtylyp, jas urpaqqa beriletin ózindik mektepke aınaldy.

Jahandaný dáýirinde jastar syrtqy álemge kirigýge umtylatyndyqtan basqa mádenıetterdiń erekshelikterin jaqsy túsinedi, biraq ózderiniń qundylyqtaryn onsha jaqsy bile bermeıtini jasyryn jaı emes.

Sondyqtan analar keńesiniń músheleri Qazaqstan halqy Assambleıasynyń jas urpaqqa bizdiń ulttyq qundylyqtarymyzdyń, ádemi de tárbıelik máni zor dástúrlerimizdiń máni túsindiriletin jobalaryna qýana qatysady.

Sońǵy jyldary úlkender úshin de, jastar úshin de ásirese «Qazaqtaný», «Tórkindeý» sııaqty jobalar tartymdy boldy.

Bıyl shilde aıynda Memleket basshysy Qasym-Jomart Toqaev Assambleıanyń jastar qozǵalysy men Analar keńesiniń jumysyna erekshe kóńil bólý kerek ekenin atap ótti.

Bıyl elordada Qazaqstan halqy Assambleıasy respýblıkalyq Analar keńesiniń keńeıtilgen otyrysy ótti.

Osy oraıda Analar keńesterin ınstıtýtsıonaldyq nyǵaıtýdyń, olardy ákimdikter janyndaǵy Qoǵamdyq keńesterge engizýdiń, Áıelder isteri jáne otbasylyq-demografııalyq saıasat jónindegi ulttyq komıssııanyń jumysyna, jergilikti ózin-ózi basqarý keńesteriniń júıesine yqpaldastyrýdyń mańyzdylyǵy atap ótildi.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT