+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Búgin – Qazaqstan Táýelsizdigine 28 jyl

2019 jylǵy 16 jeltoqsan 05:17
Bólisińiz:
Búgin – Qazaqstan Táýelsizdigine 28 jyl

NUR-SULTAN. QazAqparat – Búgin Qazaqstan Respýblıkasynyń táýelsiz el atanǵanyna 28 jyl tolyp otyr, dep habarlaıdy QazAqparat tilshisi.

Qazaqstan SSRO taraǵannan keıin araǵa 8 kún salyp, táýelsizdigin jarııalady. Qazaqstannyń derbes el bolǵanyn alǵashqy aqparat quraldarynyń biri bolyp álemge «QazAqparat» Halyqaralyq aqparat agenttigi (QazTAG) habar taratqan bolatyn.

«Táýelsizdiktiń bizdiń bárimizge artar mindeti mol. Endi eńseli el bolýdyń jolyna shyndap túsýimiz kerek. Áýletimizdiń asýy da, dáýletimizdiń tasýy da óz qolymyzda. Keń-baıtaq jerimizdiń baılyǵy osy dalanyń túpkilikti halqyna da, taǵdyr qosyp birge ómir súrip jatqan ózge ult ókilderine de molynan jetedi. Ne istesek te aqylmen isteıik, arzan uranǵa ermeıik, ushpa sezimge erik bermeıik degim keledi», - dedi Nursultan Nazarbaev 17 jeltoqsanda Almatydaǵy Ortalyq alańda Qazaqstan Respýblıkasynyń memlekettik táýelsizdigi jarııalanýyna oraı ótkizilgen jıynda.

Qazaqstannyń Táýelsizdigin resmı túrde eń alǵash bolyp Amerıka Qurama Shtattary moıyndaǵan edi. Odan keıin Qytaı, Ulybrıtanııa, Mońǵolııa, Frantsııa, Japonııa, Ońtústik Koreıa jáne Iran Islam memleketi Qazaqstandy táýelsiz memleket retinde moıyndap, tanydy. Túrkııa alǵash bolyp Qazaqstanda óz elshiligin ashty.

Táýelsizdik kúni – 1991 jylǵy 16 jeltoqsanda Qazaqstan Respýblıkasynyń Prezıdenti N.Á.Nazarbaev qol qoıǵan «Qazaqstan Respýblıkasynyń memlekettik táýelsizdigi týraly» jáne 2001 jylǵy 13 jeltoqsandaǵy «Qazaqstan Respýblıkasyndaǵy merekeler týraly» Qazaqstan Respýblıkasy zańdaryna (2008 jylǵy 25 maýsymdaǵy jáne 2009 jylǵy 22 sáýirdegi zańdarmen ózgertýler engizilgen) sáıkes atalyp ótedi.

Áıtse de, bul kúndi qatardaǵy merekelik data retinde qaraýǵa kelmes. Bul týraly Elbasy N.Nazarbaev: «Menińshe, Táýelsizdik kúni tek resmı bekitilgen merekelik data ǵana bolýǵa tıisti emes. Bul kúnniń odan anaǵurlym mańyzy úlken mazmuny bar. Ol táýelsizdik jolyndaǵy kúrestiń núktesin qoıýmen birge, onyń bastalǵan kúni de boldy. Búgin ár qazaqstandyq ony óziniń jeke táýelsizdigi men tabysty kúni esebinde merekeleı alady» degen bolatyn.

Qazaqstan táýelsizdik alǵannan soń halyq yntymaqtasyp, jalpyulttyq, ultaralyq birlikti nyǵaıtýǵa, rýhanı—mádenı jańǵyrýǵa qol jetkizildi. Qysqa merzimde Táýelsiz Respýblıkamyz Sovet ımperııasynan mura bolyp qalǵan kóptegen ótkir de ózekti máselelerdiń sheshimin taýyp, saıası, ekonomıkalyq jáne áleýmettik-mádenı salalarǵa da reformalar júrgizildi. Búgin de Qazaqstan ekonomıkasy damyǵan, birneshe halyqaralyq uıymdardyń múshesi, álemdik sahnada ózindik yqpaly bar memleketke aınalyp otyr.

Mereıli el bolǵanymyzdy Aqordada birqatar azamatqa memlekettik nagradalardy tapsyrý barysynda QR Prezıdenti Qasym-Jomart Toqaev ta atap ótken bolatyn. Memleket basshysynyń aıtýynsha, bul – tarıhı úderisterimizdiń bastaýy, uly meıram.

«Búkil elimiz úshin munan asqan aıtýly kún, mańyzdy mereke joq. Táýelsizdik ultymyzdyń baǵa jetpes baılyǵy. Bizdiń býyn Elbasy Nursultan Nazarbaevtyń sarabdal saıasatynyń arqasynda halqymyzdyń asqaq armanyn aqıqatqa aınaldyrdy. Baıraqty babalarmyz bizge ulan-baıtaq jerdi mura etip qaldyrdy. Olardyń amanatyna adal bolý – barshamyzdyń kıeli paryzymyz. Azattyq úshin alysyp, el úshin jan pıda etken batyrlardyń erligi eshqashan umytylmaıdy», - dedi Memleket basshysy.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Úmbet Sholpan
Úmbet Sholpan
954-059

MURAǴAT