+7 (701) 759 90 19
USD 387.16 EUR 428.47
RUB 6.08 CNY 55.13
Jańalyqtar

Búgin - Qazaqstan qutqarýshylarynyń kásibı merekesi

2019 jylǵy 19 qazan 09:04
Bólisińiz:
Búgin - Qazaqstan qutqarýshylarynyń kásibı merekesi

NUR-SULTAN. QazAqparat – Búgin, 19 qazan - Qazaqstan qutqarýshylarynyń kásibı merekesi, dep habarlaıdy QazAqparat QR ІІM Tótenshe jaǵdaılar komıtetiniń baspasóz qyzmetine silteme jasap.

Uqsas jańalyqtar

«Qazaqstan Respýblıkasynyń ortalyq atqarýshy organdarynyń qurylymyn jetildirý týraly» Qazaqstan Prezıdentiniń 1995 jylǵy 19 qazandaǵy №2541 jarlyǵymen eldiń tabıǵı jáne tehnogendik sıpattaǵy tótenshe jaǵdaılar jáne azamattyq qorǵanys salasyndaǵy ýákiletti ortalyq atqarýshy organ retinde Qazaqstan Respýblıkasynyń Tótenshe jaǵdaılar jónindegi memlekettik komıteti quryldy.

«Qazaqstan Respýblıkasynyń Tótenshe jaǵdaılar jónindegi memlekettik komıtetiniń qurylǵan kúni azamattyq qorǵaý júıesiniń kásibı merekesi –Qutqarýshylar kúni.

TJK qyzmetkerleri – bul órt sóndirýshiler, qutqarýshylar, ushqyshtar, dárigerler, psıhologtar, kınologtar. Olar tótenshe jaǵdaılardy joıady, órtti sóndiredi, qutqarý operatsııalaryn júrgizedi, adamdar men janýarlardy, múlikti qutqarady», delingen habarlamada.


Qutqarýshylar qyzmeti jumys istegen jyldary (1995 jyldan bastap 2019 jyl aralyǵynda) 1 mln 312 myń ret tótenshe jaǵdaılar men órtterge barǵan. Olar 362 myńnan astam adamdy qutqardy, ártúrli tótenshe jaǵdaılar aımaǵynan 315 myń adamd evakýatsııalady, 52 myńnan astam zardap shekken adamǵa medıtsınalyq kómek kórsetti.


Jyl saıyn elimizde órtke qarsy qyzmet, jedel-qutqarý jasaqtary, apattar medıtsınasy ortalyǵy órtke jáne janýǵa, tótenshe jaǵdaılardyń saldaryn joıýǵa, avarııalyq-qutqarý jumystaryn júrgizýge 60 myńnan astam ret barady, keminde 10 myńnan astam adam qutqarylady.

Bul rette, órt sóndirýshiler 15 myńǵa deıin ártúrli órtti sóndirip, tilsiz jaýdan 4 myńǵa deıin adamdy qutqarady, sýda qutqarýshylar 600 adamǵa kómek kórsetedi, taý ýchaskelerinde 200-ge deıin adasqan týrısti jedel evakýatsııalaıdy, qutqarý avıatsııasy izdestirý-qutqarý jumystaryna, órtterdi sóndirýge jáne jeke quramdy jetkizýge 900-ge jýyq ret ushyp shyǵady.


2019 jyldyń basynan bastap qutqarý bólimsheleri órtke jáne avarııalyq-qutqarý jumystaryna 60,8 myń ret bardy. 9 myń adam qutqaryldy, tótenshe jaǵdaılar aımaǵynan 17,5 myńnan astam adam evakýatsııalandy, shamamen 4 myń zardap shegýshige alǵashqy medıtsınalyq kómek kórsetildi.


Sonymen qatar, TJK qutqarý avıatsııasy joǵary jedel áreket etýdi qamtamasyz etedi. Tasqynǵa ushyraǵan aýmaqtardy, sel qaýpi bar ýchaskelerdi jáne kólderdi aerovızýaldy aralaý jáne tekserý júrgizildi. Tikushaqtar Qazseldenqorǵaý tehnıkasy men jabdyqtaryn bıik taýly beketter men kólderge, asa qaýipti muzdyq kólderde ınjenerlik is-sharalardy ótkizý aımaǵyna jetkizdi.


Qutqarý avıatsııasynyń tıimdiligi de órt sóndirýde kómegi zor, jyl basynan beri tikushaqtar elimizdiń túrli óńirlerinde iri tabıǵı jáne basqa da órtterdi sóndirýge, sondaı-aq halyqaralyq qutqarý operatsııalaryna birneshe ret tartyldy.

Qazseldenqorǵaýmen qar kóshkin men selderdiń aldyn alý boıynsha is-sharalar júrgizdi. Qysqy-kóktemgi kezeńde Almaty qalasy, Almaty jáne Shyǵys Qazaqstan oblystarynda 87 qar kóshkinin aldyn ala túsirý júrgizildi, qar massasynyń jalpy kólemi 250,3 myń tekshe metrdi qurady. Sonymen qatar, 1 899 qar toqtatatyn qalqan jasalyp, kóshkin qaýpi bar ýchaskelerde 95 aqparattyq jáne eskertý belgisi qoıyldy.

Jyldyń basynan beri Apattar medıtsınasy ortalyǵynyń brıgadalary 2,5 myńǵa jýyq jolǵa shyqty, 1 myń zardap shekkenge medıtsınalyq kómek kórsetti. Respýblıkalyq trassalardyń avarııalyq ýchaskelerinde táýlik boıy JKO-da zardap shekkenderge 40 kúrejol medıtsınalyq-qutqarý pýnkti kómek kórsetedi. Bıyl osy brıgadalar, 1,2 myń adamdy evakýatsııalady, 2,3 myń zardap shegýshige medıtsınalyq kómek kórsetti.

Kınologııalyq bólimshelerdi damytý máselelerine erekshe kóńil bólinedi, olar barlyq óńirlerde bar. Qyzmettik ıtter adasqan týrısterdi, ańshylardy, baqtashylardy, joǵalǵan adamdardy jáne tehnogendik ortada TJ kezinde zardap shekkenderdi izdeýge qatysady.

QR Tuńǵysh Prezıdentiniń 2018 jylǵy 5 qazandaǵy «Qazaqstandyqtardyń ál-aýqatynyń ósýi: tabys pen ómir súrý sapasynyń artýy» atty Joldaýyn, Úkimettiń 2018 jylǵy 27 jeltoqsandaǵy № 897 qaýlysymen bekitilgen «2019-2021 jyldarǵa arnalǵan Qazaqstan Respýblıkasynyń Іshki ister organdaryn jańǵyrtý jónindegi Jol kartasyn» iske asyrý sheńberinde azamattyq qorǵaý organdaryn jańǵyrtý júrgizildi. Nátıjesinde, TJK vedomstvolyq baǵynysty 53 memlekettik mekemeniń 38-i qaldy.

Qazaqstan Respýblıkasynyń Prezıdenti K. Toqaevtyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Qazaqstan halqyna jańa Joldaýynda Azamattyq qorǵaý organdarynda qyzmet ótkerý jaǵdaılaryn jaqsartý kózdelgen. Osyǵan baılanysty 2020 jyldyń 1 qańtarynan bastap azamattyq qorǵaý organdary qyzmetkerleriniń eńbekaqysyn kóterý josparlanǵan, olardyń sany 19 myńnan asady.

«Búgin biz TJK qyzmetkerlerine, janqııarlyq eńbegimen, elimizdiń qaýipsizdigin nyǵaıtýǵa úlesin qosqandardyń barlyǵyna qurmet kórsetemiz. Kún saıyn qıyn jaǵdaıda táýekelge bel býatyn qutqarýshylar azamattarymyzdyń ómiri men múlkin qutqarady. Olardyń kásibıligi, jedeldigi men erligi qazaqstandyqtarǵa tótenshe jaǵdaılarda qaýipsiz sezinýge múmkindik beredi.

Azamattyq qorǵaý qyzmetiniń qyzmetkerlerinen apattarǵa qarsy turý úshin árqashan ázirlik talap etiledi. Qutqarýshylar tipti beıbit kúnderi de adamdardyń ómiri men densaýlyǵy úshin kúresýde aldyńǵy qatarda bolady. Tek eń batyl, qaısar jáne erjúrek azamattar ǵana qutqarýshy qyzmetin tańdaıdy», delingen habarlamada.






Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT