Búgin Qazaqstan áskerı-áýe kúshteriniń qurylǵan kúni
2022 jylǵy 2 shilde 16:33

Búgin Qazaqstan áskerı-áýe kúshteriniń qurylǵan kúni

NUR-SULTAN. QazAqparat - 1998 jyly Áskerı qorǵanys kúshteriniń áskerı-áýe kúshterin qurý týraly dırektıvaǵa qol qoıylǵan. Sol ýaqyttan bastap bul ataýly kún bolyp kúntizbege endi, dep habarlaıdy QazAqparat.

«Qazaqstannyń áskerı-áýe kúshteri – mańyzdy baǵyttardy, aýdandar men obektilerdi áýe qarsylastarynyń soqqylarynan qorǵaýǵa arnalǵan negizgi manevrlik atys áskeri. Olar áýe kemeleriniń zamanaýı túrlerimen, sonyń ishinde kóp fýnktsııaly joıǵyshtarmen jáne soqqy berýshi tikushaqtarymen jabdyqtalǵan. Ushqyshtardyń jaýyngerlik daıarlyq júıesi de udaıy jetildirilip otyrady. Sonymen qatar, qazirgi zamanǵy qarýly qaqtyǵystardyń tájirıbesi de eskerilip, taldanady. Munyń bári is júzinde jeke quramdy áýede soǵys júrgizýdiń jańa ádis-tásilderin úırenýine múmkindik beredi», - delingen QR Qorǵanys mınıstrliginiń baspasóz qyzmeti taratqan málimdemede.

Vedomstvo áskerı-áýe kúshteriniń eptiligi «Jýsan» gýmanıtarlyq aktsııasy kezinde kóringenine nazar aýdarady. Ushqyshtardyń Sırııaǵa reıster jasap, azamattardy elge jetkizgenine toqtalady.

«2021 jyldyń tamyzynda asa kúrdeli ári qaýipti jaǵdaılarda áskerı-kólik avıatsııasynyń ekıpajdary Kabýldan kelgen otandastardy evakýatsııalaý operatsııasyn júzege asyrdy. Sondaı-aq, Qazaqstan Respýblıkasynyń Elshiligine kómek surap kelgen Qyrǵyzstan, Reseı jáne Lıtva azamattary da Aýǵanstannan gýmanıtarlyq operatsııa kezinde shyǵaryldy», - dep tolyqtyrady baspasóz qyzmetinen.


Foto: gov.kz

Uqsas jańalyqtar
Seriktester jańalyqtary

Jańalyqtar

Úrdis

MURAǴAT