Búgin Ivan Dychko argentınalyq Espındolamen qolǵap túıistiredi
2022 jylǵy 24 maýsym 04:33

Búgin Ivan Dychko argentınalyq Espındolamen qolǵap túıistiredi

NUR-SULTAN. QazAqparat - Búgin tańerteń qazaqstandyq boksshy Ivan Dychko (11-0, 11 KO) Býenos-Aırestegi (Argentına) boks keshinde argentınalyq bylǵary qolǵap sheberi Kevın Espındolamen (7-3, 2 KO) sharshy alańǵa shyǵady, dep habarlaıdy QazAqparat Sports.kz saıtyna silteme jasap.

Argentınada ótetin jekpe-jek aldynda aýyr salmaqtaǵy qos boksshy salmaq ólshep, kóz túıistirdi. Havıveıttegi jekpe-jek on raýndqa josparlanǵan. Jekpe-jektiń tikeleı efıridegi kórsetilimi Nur-Sultan ýaqyty boıynsha saǵat 07:00-den keıin bastalady.

Aıta keteıik, Ivan Dychko óziniń budan burynǵy jekpe-jegin jeltoqsan aıynda ótkizgen bolatyn. Ol reseılik 45 jastaǵy Aleksandr Ýstınovpen (36-6-1, 27 KO) baq synasyp, birinshi raýndta tehnıkalyq nokaýtpen jeńgen. Kevın Espındola osy jyldyń sáýir aıynda rıngke shyǵyp, tóreshilerdiń biraýyzdan sheshimimen jerlesi Naýel Palasıostadan (1-7, 0 KO) basym túsken, bul jekpe-jek tórt raýndqa eseptelgen.

Espındola óziniń barlyq jekpe-jekterin óz Otanynda, Argentınada ótkizedi jáne eshqashan jeńilmegen qarsylastarmen sheberlik synasqan emes.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT