Búgin – halyqaralyq qarttar kúni

2022 jylǵy 1 qazan, 08:30
Búgin – halyqaralyq qarttar kúni

NUR-SULTAN. QazAqparat – 1 qazan kúni elimizde qarttar kúni atalyp ótedi, dep habarlaıdy QazAqparat.

Halyqaralyq qarttar kúni - 1990 jyly 14 jeltoqsanda BUU Bas assambleıasynda bekitilip, jarııalandy.

Bul mereke elimizde jyl saıyn atalyp ótiledi. Jáne onyń aıasynda qarttarǵa qurmet kórsetilip, túrli formattaǵy is-sharalar uıymdastyrylady.

Atap aıtqanda, qarttarǵa qurmet kórsetý aktsııalary, memleket tarapynan birjolǵy qarjylaı kómek, sondaı-aq, azyq-túlik sebeti, shıpajaılarǵa joldama jáne taǵy basqa.

Sol sekildi egde jastaǵy jandarǵa arnalyp merekelik kontsert te uıymdastyrylady.

Odan bólek, qarttarǵa arnalǵan aýqymdy sharanyń biri - «Belsendi uzaq ómir» ulttyq jobasy.

QR Eńbek jáne halyqty áleýmettik qorǵaý mınıstrligi byltyr qolǵa alǵan joba aıasynda elimizdiń barlyq óńirinde belsendi uzaq ómir súrý ortalyqtaryn ashý josparlanǵan. Josparǵa saı onda egde jastaǵy jandar bos ýaqytyn ótkize alady.

Atalǵan ortalyqta aǵylshyn tilin úırený, kompıýterlik saýattylyq kýrstarynan ótý, emdik dene shynyqtyrý, bı jáne taǵy basqa sharalardy ótkizý qarastyrylǵan.

Eńbek jáne halyqty áleýmettik qorǵaý mınıstrligi bergen statıstıkaǵa súıensek, búginde elimizde jasy alpystan asqan 3 mıllıonǵa jýyq jan bar.

Mereke qarsańynda Eńbek jáne halyqty áleýmettik qorǵaý mınıstri Tamara Dúısenova áleýmettik eńbek salasynyń ardagerlerine zor densaýlyq, amandyq jáne uzaq ómir tiledi.

Sondaı-aq, aıtýly kúnge oraı zeınetkerlerge quttyqtaý hatymen qatar elordadaǵy Q. Qýanyshbaev atyndaǵy qazaq drama teatryndaǵy kontsertke bılet tabys etildi.

Atalǵan vedomstvo málimetine sáıkes, elimizde qarttar kúnine oraı aılyq shara bastalyp ketti.

«Oblys, qala jáne aýdan basshylarynan bólek, kásiporyndar men uıym basshylary áleýmettik qoldaý sharasyna oraı ashyq esik kúnin uıymdastyryp jatyr. Mınıstrlik málimetine sáıkes, 188,4 myń qart jandy qamtı otyryp, barlyǵy 1,6 mlrd teńge somasynda birjolǵy materıaldyq kómek kórsetildi», - deıdi vedomstvodan.

Tegı:
Qoǵam  
Seriktester jańalyqtary

Jańalyqtar