Búgin fýtboldan el birinshiliginiń 16-týry bastalady
2022 jylǵy 1 shilde 12:08

Búgin fýtboldan el birinshiliginiń 16-týry bastalady

NUR-SULTAN. QazAqparat - Búgin, 1 shildede fýtboldan Premer-lıga komandalary arasyndaǵy el birinshiliginiń 16-týry bastalady, dep habarlaıdy QazAqparat tilshisi.

Atalǵan týrdaǵy alǵashqy kezdesý Túrkistanda jergilikti «Turan» men Qostanaıdyń «Tobyl» komandalary arasynda ótedi. Oıyn elorda ýaqytymen 21:00-de bastalyp, «Qazsport» telearnasynan tikeleı efırde kórsetiledi.

Al 2 shildede «Shahter» (Qaraǵandy) men «Aqtóbe», «Atyraý» men «Taraz» sheberlik baıqasady.

Sondaı-aq, 3 shildede «Astana» (Nur-Sultan) men «Maqtaaral» (Túrkistan oblysy), «Qaırat» (Almaty) pen «Aqjaıyq» (Oral), «Aqsý» (Pavlodar oblysy) men «Qyzyljar» (Petropavl) komandalary jasyl alańǵa shyǵady.

Atalǵan týrdy 4 shildede «Ordabasy» (Shymkent) men «Kaspıı» (Aqtaý) komandalary túıindeıdi.

Eske salsaq, budan buryn fýtboldan el birinshiliginde «Astana» oısyraı jeńildi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT