Búgin elimizdiń kóptegen qalasynda aýa sapasy nasharlaıdy

NUR-SULTAN. QazAqparat – «Qazgıdromet» RMK 24 qańtarda elimiz qalalarynda qalyptasatyn meteorologııalyq ahýal týraly málimet usyndy, dep habarlaıdy QazAqparat.

24 qańtarda Qolaısyz meteorologııalyq jaǵdaılar Nur-Sultan, Shymkent, Jezqazǵan, Aqtóbe, Kókshetaý, Qostanaı, Petropavl jáne Pavlodar (1-dárejeli), Óskemen (2-dárejeli), Semeı (2-dárejeli), Rıdder (2-dárejeli) qalalarynda kútiledi.

Qolaısyz meteorologııalyq jaǵdaılar - atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy. QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.