Búgin eki qalada aýa sapasy nasharlaıdy

NUR-SULTAN. QazAqparat – «Qazgıdromet» RMK elimiz qalalaryndaǵy aýa sapasynyń meteorologııalyq ahýaly týraly málim etti, dep habarlaıdy QazAqparat.

Sınoptıkterdiń málimetinshe, 4 jeltoqsan kúni Almaty jáne Óskemen qalalarynda qolaısyz meteojaǵdaı qalyptasady.

Qazaqstannyń ózge shaharlarynda aýanyń lastanýy kútilmeıdi.

Qolaısyz meteorologııalyq jaǵdaı - atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.