+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Búgin Beıimbet Maılınniń týǵanyna 125 jyl toldy

2019 jylǵy 15 qarasha 08:36
Bólisińiz:
Búgin Beıimbet Maılınniń týǵanyna 125 jyl toldy

NUR-SULTAN. QazAqparat -15 qarasha - aqyn, jazýshy, dramatýrg Beıimbet (Bımuhamed) Jarmaǵambetuly Maılınniń týǵan kúni, dep habarlaıdy QazAqparat.

Uqsas jańalyqtar
Jazýshy qoǵam suranysyna bas ıetin bolsa, ádebıet quldyraıdy – Dáýletkereı Kápuly Almatyda «Úsh arys» kitabynyń tusaýkeseri boldy Jazýshylar odaǵynyń tarıhynda júzdegen tomǵa júk bolatyn taǵdyrlar shejiresi jatyr - Qyrymbek Kósherbaev

Beıimbet Maılın 1894 jyly Qostanaı oblysynda týǵan. Arǵynbaı qajynyń medresesinde, Qostanaıdaǵy orys-qazaq mektebinde, Ýfadaǵy Ǵalııa medresesinde, Troıtsk qalasyndaǵy Ýázıfa medresesinde oqyǵan.

1923-1925 jyldary Qostanaı gýbernııalyq «Aýyl» gazetinde, 1925-1928 jyldary «Eńbekshi qazaq» gazetinde, 1928-1932 jyldary respýblıkalyq «Aýyl tili» gazetinde ádebı qyzmetker, redaktor boldy. 1932-1937 jyldary - «Sotsıalıstik Qazaqstan» gazetiniń bólim meńgerýshisi, redaktordyń orynbasary, «Qazaq ádebıeti» gazetiniń bas redaktory qyzmetterin atqarǵan.

Ýfadaǵy Ǵalııa medresesinde oqyǵan jyldary tatardyń Ǵ.Ibragımov, M.Ǵafýrı syndy aqyn-jazýshylarymen shyǵarmashylyq baılanysta boldy. Osy oqý ornyndaǵy «Sadaq» qoljazba jýrnalynda «Musylmandyq belgisi» atty tuńǵysh óleńi jaryq kórdi. Onyń alǵashqy shyǵarmalary - «Qostanaı ýezi, Dambar bolysy» ocherki, «Muqtajdyq», «Kóńilime» atty óleńi, «Mal», «Shuǵanyń belgisi» povesi, «Bolǵan is» áńgimesi «Aıqap» jýrnalynda, «Qazaq» gazetinde jarııalandy. «Kedeıge», «Gúldense aýyl - gúldenemiz bárimiz», «Jazǵy jaılaýda», «Naýryz túlegi», «Kók sıyr», «Bizdiń jastar», «Myrqymbaı», «Áıt, shý... ala atym», «Qarasor», «Ber, Myrqymbaı, qolyńdy!», «Áı, Myrqymbaı», «Baıdyń qyzy», «Rázııa qyz», «Qashqyn kelinshek», «Zaıkúl», «Marjan», «Qandy kek», «Seksen som», «Kúlpash», «Talaq», «Qara shelek», «Aqtalǵan eńbek», «Sary ala ton», «Shapaıdyń haty», «Arystanbaıdyń Muqyshy», «Daýdyń basy - Daırabaıdyń kók sıyry», «Bıǵaıshanyń haty», «Ashtyq qurbany», «Soıqandy sodyrlar», «Kesindiler», «Alyptardy aralaǵanda», «Shuǵanyń belgisi», «Raýshan - kommýnıst», «Azamat Azamatych», «Qyzyl jalaý», «Qońsylar», «Tartys» atty poemalar, feletondar, ocherkter, povester men romandardyń, 25 pesanyń, lıbretto men stsenarıılerdiń avtory.

Beıimbet Maılın 1938 jyly jazyqsyz tutqyndalyp, saıası repressııanyń qurbany boldy. Onyń áıeli Gúljamal Maılına da qamaýǵa alynyp, QarLAG-qa jiberilgen.

2019 jyldyń 25 maýsymynda QR Prezıdenti Qasym-Jomart Toqaevtyń Jarlyǵymen Qostanaı oblysynyń Taran aýdany Beıimbet Maılın aýdany bolyp ózgerdi.

Bizdiń kanalymyzǵa jazylyńyz:

Basty sózder: Ádebıet, Qoǵam,
Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT