Búgin - astana kúni

NUR-SULTAN. QazAqparat - Búgin qazaqstandyqtar astanamyz - Nur-Sultan qalasynyń merekesin atap ótedi, dep habarlaıdy QazAqparat tilshisi.

1994 jyly Qazaqstan Respýblıkasy Joǵarǵy Keńesinde Qazaqstan Respýblıkasynyń Prezıdenti Nursultan Nazarbaev Qazaqstannyń astanasyn Almatydan Aqmolaǵa kóshirý týraly usynys jasady. 1997 jyly qazannyń 20-synda astanany aýystyrý týraly Jarlyqqa qol qoıdy. 1998 jyly 6 mamyrda Aqmola qalasynyń ataýy Astana bolyp ózgerdi.

1998 jyly maýsymnyń 10-ynda jańa elordanyń halyqaralyq tusaýkeser rásimi ótti.

2019 jyly 20 naýryzda Qazaqstan Respýblıkasynyń Prezıdenti Qasym-Jomart Toqaev Parlament palatalarynyń birlesken otyrysynda sóz sóılep, Elbasynyń atyn máńgi saqtaý úshin Astana qalasynyń ataýyn Nur-Sultan dep ózgertý jóninde usynys jasady.

«Biz, qazirgi jáne keleshek urpaq ókilderi, Elbasynyń saıası murasyn jadymyzdan shyǵarmaı, qadir tutyp, Nursultan Ábishuly Nazarbaevtyń tarıhı eńbegine laıyqty qurmet kórsetýimiz qajet. Elbasynyń halqymyzǵa jáne álem qaýymdastyǵyna sińirgen eren eńbegi men uly esimin máńgi este saqtaýymyz kerek. Bul halqymyzdy, ásirese, jastardy tarıhqa qurmetpen qaraýǵa tárbıelep, Elbasynyń dańqty qyzmetin ádil baǵalaý úshin mańyzdy. Uly zamandasymyzdyń, Qazaqstan Respýblıkasynyń Tuńǵysh Prezıdenti Nursultan Ábishuly Nazarbaevtyń atyn kelesideı túrde este qaldyrý qajet dep sanaıyn. Elordamyz onyń atyn ıemdenip, Nur-Sultan dep atalýy tıis. Mundaı usynys buǵan deıin 2016 jyldyń 23 qarashasynda Qazaqstan Respýblıkasy Táýelsizdiginiń 25 jyldyǵyna oraı parlamentarııler qabyldanǵan deklaratsııada aıtylǵan edi», - degen bolatyn Memleket basshysy Qasym-Jomart Toqaev.

Sol kúni QR Parlamenti palatalarynyń birlesken otyrysynda deptýttar Astananyń ataýyn Nur-Sultan qalasy ózgertý týraly Zań qabyldady. Al 2019 jylǵy 23 naýryzda QR Prezıdenti Qasym-Jomart Toqaev Qazaqstan Respýblıkasynyń astanasy - Astana qalasyn Qazaqstan Respýblıkasynyń astanasy - Nur-Sultan qalasy dep qaıta ataý týraly Jarlyqqa qol qoıdy.

Jyl saıyn elorda kúni keń kólemde toılanyp keldi. Alaıda, ókinishke qaraı bıyl elimizdi jaılaǵan koronavırýs indetine baılanysty barlyq buqaralyq sharalarǵa tyıym salynyp otyr. Epıdemıologııalyq ahýalǵa baılanysty buǵan deıin elorda kúnine josparlanǵan barlyq is-sharalar toqtatyldy. Sharalar tek onlaın rejımde ótedi.

Іs-sharalardyń kópshiligi áleýmettik sıpatta bolady – erekshe qajettiligi bar balalarǵa arnalǵan reabılıtatsııalyq ortalyq, jumyssyz áıelderge ShOB negizderin úıretetin «Kásipker ana» áleýmettik ortalyǵy, Jaǵalaý aýdanynda jedel járdem stansasy men «Doktor ý doma» medıtsına ortalyǵy jáne basqa da áleýmettik nysandar ashylady.

Sharalarǵa qatysatyn adam sany shektelgen. Sonymen qatar úı kezegindegiler men úleskerlerge páter kiltteri tapsyrylady – qatysýshylar sany shekteýli jáne sanıtarlyq normalar qatań saqtalady: maska taǵyp, áleýmettik qashyqtyqty saqtaý kerek.