+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Búgin Almatyda terrorızmge qarsy oqý-jattyǵý ótedi

2021 jylǵy 16 shilde 09:01
Bólisińiz:
Búgin Almatyda terrorızmge qarsy oqý-jattyǵý ótedi

ALMATY. QazAqparat - Almatyda «Shilde-Antıterror 2021» terrorızmge qarsy oqý-jattyǵýy ótedi, dep habarlaıdy QazAqparat tilshisi.

Almaty qalasy terrorızmge qarsy jedel shtabyniń málimetinshe, búgin 16 shilde kúni Bostandyq aýdanyna qarasty «Orbıta-3» shaǵynaýdanynda ornalasqan №5 ǵımarat pen №145 jalpy bilim beretin mektepte, tańǵy saǵat 06:00-den 13:00-ge deıin sanıtarlyq-epıdemıologııalyq standarttarǵa sáıkes josparlanǵan antıterrorlyq oqytý ótkiziledi.

Oqytýdyń maqsaty - adam kóp shoǵyrlanǵan jerlerde terrorıstik qaýip-qater týyndaǵan kezde ózara árekettesý daǵdylaryn mashyqtandyrý.

Bilim mindetteri terrorızmge osal nysandardaǵy terrorızm aktisiniń jolyn kesý mehanızmin jetildirýge baǵyttalǵan.

«Oqytý kezinde shekteý sharalary qarastyrylady. Osyǵan baılanysty, biz azamattardy júrgizilip jatqan is-sharalarǵa túsinistikpen qaraýǵa, qaýipsizdik sharalaryn saqtaýǵa jáne oqytýǵa qatysqan memlekettik qyzmetkerlerdiń zańdy talaptaryn oryndaýǵa shaqyramyz. Rastalmaǵan aqparatty nemese foto jáne vıdeo jarııalaýdan aýlaq bolýdy ótinemiz. Buqaralyq aqparat quraldaryn nemese telekommýnıkatsııa jelilerin paıdalana otyryp, ádeıi jalǵan aqparat taratý QR QK 274-babyna sáıkes zańmen qýdalanatynyn eske salamyz»,- delingen habarlamada.

Sonymen qatar, Ákimshilik quqyq buzý kodeksiniń 443-babyna sáıkes, qoǵamdyq tártipti qamtamasyz etýge qatysatyn adamnyń zańdy talabyna baǵynbaý ákimshilik jaýapqa ákelip soqtyratynyn eskerý qajet.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT