+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

Brıtanııalyq jýrnalıst: Mıtıng týraly zań Qazaqstannyń saıası ómirin ózgertedi

2020 jylǵy 1 maýsym 21:21
Bólisińiz:
Brıtanııalyq jýrnalıst: Mıtıng týraly zań Qazaqstannyń saıası ómirin ózgertedi

LONDON. QazAqparat - Postkeńestik shıelenister jáne saıasat boıynsha sarapshy, jýrnalıst Nıl Ýotsonnyń pikirinshe, beıbit mıtıng pen jıyn uıymdastyrý jáne ótkizý tártibi týraly jańa zań Qazaqstannyń saıası ómirine kúrdeli ózgeris ákelmek. Ol bul týraly QazAqparat tilshisine bergen suhbatynda aıtty.

Nıl Ýotsonnyń pikirinshe, bul - 30 jyldaı ýaqyt buryn Sovet odaǵy ydyrap, táýelsizdikke qol jetkizgen postkeńestik memleketterge úlgi bolatyn, maqtaýǵa turarlyq qadam.

«Birinshiden, bul týraly Qasym-Jomart Toqaev Qazaqstan Prezıdenti bolyp saılanǵannan keıin 2019 jyldyń qyrkúıeginde halyqqa Joldaýynda málim etti. Demek Memleket basshysy - senim artýǵa turatyn istiń adamy.

Ekinshiden, Qazaqstan mundaı zań jobasyn Qylmystyq kodekste bekitý arqyly batys úlgisinde saıası áralýandylyqqa bir taban jaqyndap, azamattarynyń quqyqtaryn keńeıte tústi. Saıası kelispeýshilik pen qarsylyq 1995 jyldan beri múmkin bolǵany týraly da aıta ketken jón.

Jańa zańda beıbit mıtıng ótkizýge ruqsat etilip, úkimettik qurylymdar olardy qoldaýǵa mindetti ekendigi aıtylady. Sonymen qatar jumys oryndarynda pıketter uıymdastyrýǵa bolady delingen. Demonstratsııa arnaıy bólingen úsh jerdiń birinde ótkizilip, keminde úsh kún buryn eskertilýi kerek. Sondaı-aq onyń uıymdastyrýshylary narazylyq sharasynyń maqsaty týraly naqty ári anyq jarııa etýi tıis», - deıdi Nıl Ýotson.

Onyń aıtýynsha, «Halyq únine qulaq asatyn memleket» tujyrymdamasy batys qundylyǵyna negizdelgen.

«Prezıdent Qasym-Jomart Toqaev ınaýgýratsııalyq Joldaýynda órkenıet qundylyqtaryna negizdelgen «Halyq únine qulaq asatyn memleket» tujyrymdamasy týraly birneshe ret aıtty. Bul zań - jańa Prezıdenttiń tyńnan túren sala biletinin jáne demokratııanyń jaqtaýshysy ekendigin aıqyndaıdy», - deıdi Nıl Ýotson.

Nıl Ýotson - brıtanııalyq Kardıff ýnıversıteti jýrnalıstıka fakýltetiniń túlegi, Kenterberı ýnıversıtetiniń magıstratýrasyn támamdaǵan. Óziniń jýrnalıstik jáne redaktorlyq qyzmeti aıasynda negizinen halyqaralyq saýda, bıznes jáne mádenıet taqyryptarynda brıtanııalyq basylymdarda qalam terbep, Taýly Qarabah qaqtyǵysy boıynsha birneshe zertteý júrgizgen.


Bizdiń kanalymyzǵa jazylyńyz:

Bólisińiz:

Avtor:

Ǵalymjan Qaramanuly

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT