+7 (701) 759 90 19
USD 447.67 EUR 491.36
RUB 5.74 CNY 63.07
Jańalyqtar

Brıtanııadaǵy 39 mıgranttyń ólimine qatysty Vetnamda jeti adamǵa aıyp taǵyldy

2020 jylǵy 21 aqpan 19:48
Bólisińiz:
Brıtanııadaǵy 39 mıgranttyń ólimine qatysty Vetnamda jeti adamǵa aıyp taǵyldy

HATINЬ. QazAqparat – Brıtanııanyń Esseks graftyǵynda 39 mıgranttyń júk kóliginen óli tabylýyna baılanysty Vetnam polıtsııasy resmı túrde jeti adamǵa aıyp taqty. Bul týraly QazAqparat BBC-ge silteme jasap habarlaıdy.

Bes er adam men eki áıel zańsyz kóshi-qonmen aınalysqany úshin aıyptalyp jatyr, dep habarlaıdy Hatın provıntsııasynyń polıtsııasy.

Eske salaıyq, 2019 jyldyń 23 qazanynda Ulybrıtanııanyń Esseks graftyǵy Greıs qalasynda kólik tońazytqyshynan 31 er adam men segiz áıeldiń máıiti tabylǵan edi. Qazir Esseks polıtsııasy Vetnamda júr.

Brıtanııa polıtsııasynyń málimetinshe, adamdarǵa júk kóliginde aýa jetpeı, tar jerde qatty ysyp ketken. Qaza tapqandardyń arasynda 26 jastaǵy Fam Thı Tra Maı bolǵan. Ol 22 qazanda otbasyna tynys ala almaı jatqanyn aıtyp, hat joldaǵan.

Adamdardyń qaza tabýyna baılanysty birneshe adam tutqyndaldy, solardyń ishinde júk kóliginiń júrgizýshisi Arma graftyǵynyń turǵyny Morıs Robınson da bar.

Qarasha aıynda Londondaǵy Ortalyq qylmystyq sotta ol zańsyz ımmıgratsııaǵa kómek kórsetý jáne qylmystyq múlikti satyp alý maqsatynda sóz baılasqanyn moıyndady.

Ulybrıtanııa polıtsııasy adamdardyń qaza tabýyna baılanysty taǵy úsh adamǵa aıyp taqty. Olar 23 jastaǵy Imonn Harrıson jáne Krıstofer Kennedı, 49 jastaǵy George Nıka.


Bizdiń kanalymyzǵa jazylyńyz:

Basty sózder: Álem,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT