+7 (701) 759 90 19
USD 388.49 EUR 427.26
RUB 6.06 CNY 55.32
Jańalyqtar

Brıtandyq mamandar Qazaqstannyń ushýdy retteýdiń jańa modeline kóshýine kómektesedi

2019 jylǵy 21 qazan 13:05
Bólisińiz:
Brıtandyq mamandar Qazaqstannyń ushýdy retteýdiń jańa modeline kóshýine kómektesedi

NUR-SULTAN. QAZAQPARAT - 21-25 qazan aralyǵynda azamattyq avıatsııany retteýdiń brıtandyq modeline kóshý boıynsha tehnıkalyq járdem kórsetý týraly kelisim sheńberinde Brıtandyq azamattyq avıatsııa agenttigi (UK Caa) sarapshylary Qazaqstanǵa keledi. Bul týraly QR Indýstrııa jáne ınfraqurylymdyq damý mınıstrliginiń Azamattyq avıatsııa komıteti málimdedi, dep habarlaıdy «QazAqparat» HAA tilshisi.

Birinshi kezeńde brıtandyq sarapshylar Qazaqstandaǵy zańnamany taldap, EASA/EO (Eýropalyq avıatsııalyq qaýipsizdik agenttigi) erejelerin odan ári engizý jáne olardy Brıtandyq azamattyq avıatsııa agenttiginiń modelimen sáıkestendirý joldaryn usynady.

«Avıatsııalyq ákimshilik qyzmetiniń ártúrli baǵyttary boıynsha (ushýda paıdalaný, ushý jaramdylyǵy, aerodromdar jáne jerdegi qyzmet kórsetý, aeronavıgatsııa, avıatsııalyq qaýipsizdik, avıatsııalyq zańnama, avıaqyzmetkerimen jumys) sheteldik jáne otandyq sarapshylardan birlesken jobalyq top quryldy. Onyń quramynda: Pıter Grıffıts – «Qazaqstannyń avıatsııalyq ákimshiligi« AQ Bas dırektory, Rob Erskaın —CAAi Azııa – Tynyq muhıty aımaǵy boıynsha halyqaralyq operatsııalardyń jetekshisi, Gremhem Ýıler — CAAi halyqaralyq tehnıkalyq resýrsynyń jetekshisi, Den Edvards — CAAi aǵa saıası taldaýshysy, sondaı-aq Qazaqstan Azamattyq avıatsııa jáne avıatsııalyq ákimshilik komıtetiniń mamandary bar», - dep habarlady AAK.

Jobalaý tobynyń jumysy sheńberinde «EırAstana», «Skat», «Qazavıaqutqarý» avıakompanııasynyń, Azamattyq avıatsııa akademııasynyń, áýejaılardyń, aeronavıgatsııanyń ókilderimen ótken ózgeristerdi túsindirý boıynsha kezdesýler men prezentatsııalar, semınarlar, sondaı-aq kezdesýler ótedi.

Eske sala keteıik, 2019 jyldyń 7 qazanynda Londonda Halyqaralyq Azamattyq avıatsııa agenttigi (CAAi) men Qazaqstannyń avıatsııalyq ákimshiligi arasynda azamattyq avıatsııany retteýdiń brıtandyq modeline kóshý boıynsha tehnıkalyq kómek kórsetý týraly shart jasalǵan bolatyn..

Retteýdiń jańa júıesi avıakólik sektorynyń ósýin qoldaıdy jáne Qazaqstannyń avıatsııa salasynyń sapaly serpilisi úshin negiz bolady. Azamattyq avıatsııa komıteti sońǵy 1,5 jyl ishinde azamattyq avıatsııanyń negizgi zańyna jáne 61 zańǵa táýeldi normatıvtik quqyqtyq aktige tıisti ózgerister ázirlep, engizdi.

«Qazaqstannyń avıatsııalyq ákimshiligi» ushý qaýipsizdiginiń salalyq retteýishi joǵary halyqaralyq deńgeıde baqylaý men qadaǵalaýdy júzege asyrýdy qamtamasyz etetin bolady, bul azamattyq avıatsııany turaqty damytý jáne Qazaqstan arqyly avıatranzıttiń tartymdylyǵyn arttyrý úshin de negiz bolady.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT