+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Brıtan jýrnalısiniń Gımalaı asqan qazaqtar jaıly kitaby mýzeıge syıǵa berildi

2019 jylǵy 6 qarasha 15:56
Bólisińiz:
Brıtan jýrnalısiniń Gımalaı asqan qazaqtar jaıly kitaby mýzeıge syıǵa berildi

ALMATY. QazAqparat - ‪ Almatyda brıtan jýrnalısi Godfrı Laıastyń «Aspantaý asqan úrkin kósh» atty sırek kitaby mýzeıge syıǵa berildi, dep habarlaıdy QazAqparat tilshisi.

Uqsas jańalyqtar
Qazaqstanda «oralman» termıni «qandas» dep aýystyryldy Mınıstr etnıkalyq qazaqtarǵa azamattyq berýdegi ózgerister týraly aıtty Shárip Sáıpiǵalıuly «Mońǵol eline eńbek sińirgen qaıratker» ataǵymen marapattaldy

Bul týyndy 1956 jyly Londonda basylyp shyqqan bolatyn.

Týyndyny orys jáne qazaq tilderine aýdarǵan avtor Baqytjan Buqarbaı búgin kitapty «Ǵylym ordasy» RMK sırek kitaptar mýzeıine tapsyrdy.

Aǵylshyn tilindegi kitap shaǵyn tırajben shyqqandyqtan, sırek kitaptar qataryna jatady. Sol sırek kitaptardyń biri endi Ǵylym ordasynyń qorynda saqtalatyn boldy.

Sonymen qatar, qazaq tilindegi «Aspantaý asqan úrkin kósh» jáne orys tilindegi «Velıkıı ıshod kazahov» aýdarmalary da berildi.


«Bul kitapty Ospan batyr týraly aqparatty izdegen kezde ınternetten taýyp aldym. Kitaptyń aýdarmasy bolmady. Men tanymal saıttardyń birinen túpnusqa versııasyn taýyp alyp, AQSh-tan tapsyrys berdim. Basynda tek oqyp shyqqym keldi. Alaıda, tanys esimderdi, salt dástúrler týraly oqyǵanda men aýdaryp basqalarǵa jetkizýdi jón kórdim», - dedi Baqytjan Buqarbaı.


Avtor kitapty aýdarýǵa 5,5 aı ýaqyt jumsaǵan.

Kitapty qazaq tiline aýdarýǵa 77 adamnan turatyn kásibı komanda jasaqtaldy. Qos tildegi aýdarma nusqa 4000 danamen basylyp shyqqan edi.

Kitapta 70 jyl burynǵy Qytaı jerindegi qazaqtardyń taǵdyry atap aıtqanda, 20 myń qazaq otbasynyń Shyńjań aýmaǵynan Kashmır arqyly Túrkııaǵa kóshkeni týraly aıtylǵan.

«Kitapta Shyńjań qazaqtarynyń ata jurtyna qytaı kommýnısteriniń basyp kirgeni, olarǵa qarsy qazaqtardyń kóterilgeni týraly baıandalǵan. Kitaptyń ataýy «Kazak Exodus», ıaǵnı qazaqtardyń údere kóshýi degendi bildiredi. Kitapty oqyǵan soń, áli de kóp nárseden beıhabar ekendigimizdi, bul kitapty qazaqtar oqýy kerek ekenin túsindim. Kitap avtory Ystanbuldaǵy qazaqtarǵa ózi baryp, kezdesken. Olardyń estelikterin jazyp alǵan. Bir jyldan soń kitap qylyp basyp shyǵardy», - dedi ol.


Tarıhshy Aıgúl Kenjebaı kitapta erkindikti kókseý ıdeıasy kóterilgenin aıtty.

«Biz tarıhtyń bul paraqtary jaıly múlde bilmeı keldik. Qazaqtar Túrkııaǵa kóshkenin bilemiz. Biraq, bul kósh qalaı bolǵanyn bilmedik. Bul kitap sonysymen qundy. Munda sol zamandy basynan keshken adamdardyń óz aýzynan estigen jaıttar derekti ári kórkem tilmen jetkizilgen. Biz úlken halyqtyń bólshegimiz. Tarıhta maqtan tutatyn tulǵamyz kóp. Bul kitaptyń basty ıdeıasy – erkindikti kókseý», - dedi tarıhshy Aıgúl Kenjebaı.

Aıta ketý kerek, «Ǵylym ordasy» RMK sırek kitaptar qorynda 300 myń sırek kitap saqtalyp tur.


Bizdiń kanalymyzǵa jazylyńyz:

Bólisińiz:

Avtor:

Gúlmıra Ǵosmanálı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT