+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Brent markaly munaı baǵasy 10% quldyrady

2020 jylǵy 17 naýryz 00:58
Bólisińiz:
Brent markaly munaı baǵasy 10% quldyrady

LONDON. QazAqparat – AQSh-tyń Federaldy rezerv júıesi men ózge memleketterdiń Ortalyq bankteri naryqtaǵy jaǵdaıdy júıeleı almaı otyr. Al Qytaıdyń ónerkásip óndirisi koronavırýstyń taraýy saldarynan sońǵy 30 jylda bolmaǵan deńgeıge quldyrady.

Osy sebepti dúısenbi kúni Brent markaly munaı baǵasy 30 AQSh dollarynan tómen tústi. Brent LCOc1 markaly munaı baǵasy 4,03 AQSh dollaryna arzandady nemese barreline 29,82 AQSh dollaryna jetip, 12% tómendedi, dep habarlaıdy QazAparat Reuters agenttigine silteme jasap.

West Texas Intermediate (WTI) markili munaı quny 3,10 dollarǵa nemese 10% arzandap, 28,63 AQSh dollaryn qurady. Pandemııanyń ekonomıkalyq saldarlaryna qarsy turý úshin AQSh-tyń Federaldy rezerv júıesi jeksenbi kúni sheshýshi stavkany 0-ge deıin tómendetti. Óz kezeginde bul shara Jańa Zelandııa Rezervtik bankiniń stavkalardy jospardan tys rekordtyq deńgeıde tómendetýine yqpal etti. Keshirek Japonııa banki kredıttik-qarjy saıasatyn jeńildetkenin jarııalady, al bul kezde Parsy shyǵanaǵy elderiniń ortalyq bankteri de protsenttik stavkalardy tómendetken bolatyn. Alaıda bul sharalar da ınvestorlardyń kóńilinen shyǵa qoımady, sáıkesinshe, qor naryqtary álsireı berdi.

«Jaǵdaıdyń bulaısha qalyptasýy túsinikti. Óıtkeni tómen protsenttik stavkalar men oblıgatsııalardy satyp alýdyń jańa baǵdarlamalary munaıǵa degen suranystyń álsireýimen kúreske kómektese almaıdy»,-dedi Commerzbank sarapshysy Karsten Frıtch (Carsten Fritsch).

Ol sondaı-aq qoǵam ómirin kólegeılep, shekaralaryn jaýyp, reıster sanyn qysqartatyn elder sany neǵurlym kóp bolsa, onyń suranysqa keri yqpal etetindigin jetkizdi. Óıtkeni bul jaǵdaı ekonomıkalyq belsendiliktiń álsireýine áser etedi.

Qytaıda qańtar-aqpan aıynda ónerkásip óndirisiniń kólemi osynyń aldyndaǵy jylmen salystyrǵanda 13,5%, ıaǵnı aldyn ala boljanǵannan áldeqaıda kóp quldyrady. Bul 1990 jyldyń qańtarynan bergi eń tómengi deńgeı.

Sondaı-aq AQSh Prezıdenti Donald Tramp juma kúni Amerıka Qurama Shtattarynyń qazirgi tańda qalyptasyp otyrǵan munaıǵa degen baǵanyń tómendigin paıdalanatynyn jarııa etti. ıAǵnı olar elektr energııasyn óndirýshilerdiń baǵanyń quldyraýymen kúres sharalaryna kómektesý úshin eldegi shıki munaı qoryn tolyqtyryp almaqshy.

Dúısenbi kúni IHS Markit aldaǵy 18 aıda AQSh-taǵy shıki munaı óndirý deńgeıi kúnine 2-4 mln barrelge azaıýy múmkin ekendigin málim etti.

Osy aıda munaı tasymaldaýshy elderdiń uıymy (OPEK) men Reseı baǵany ustap qalý jáne munaı qoryn saqtaý maqsatynda munaı óndirý kólemin qysqartý boıynsha kelisimge kele almady.

Saudi Aramco sáýir men mamyrǵa josparlanǵan munaı óndirisiniń joǵary deńgeıin saqtap qalady. OPEK pen oǵan kirmeıtin elderdiń sársenbi kúni Venada ótýi tıis bolǵan tehnıkalyq keńesi ótpeıtin boldy. Sebep – Saýd Arabııasy men Reseı munaı tasymalyn qysqartý boıynsha kelisimge kele almaǵan soń araǵa deldal retinde kirýge degen umtylys nátıje bermedi, dep habarlady dúısenbi kúni derekkóz.


Bizdiń kanalymyzǵa jazylyńyz:

Basty sózder: Energetıka, Ekonomıka, Munaı,
Bólisińiz:

Avtor:

Aıdar Ospanalıev

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT