Brazılııada jýrnalıstiń ólimine qatysty narazylyq aktsııasy ótti
2022 jylǵy 24 maýsym 16:12

Brazılııada jýrnalıstiń ólimine qatysty narazylyq aktsııasy ótti

NUR-SULTAN. QazAqparat – Brazılııa astanasy men Rıo-de-Janeıroda Amazonııa baıyrǵy turǵyndarynyń ókilderi narazylyq aktsııasyn ótkizip, jýrnalıst Dom Fılıps pen etnograf Brýno Pereıranyń ólimine kinálilerdi jazalaýdy talap etti, dep habarlaıdy QazAqparat Euronews-ke silteme jasap.

Brıtandyq Dom Fılıps pen brazılııalyq Brýno Pereıra amazon taıpalarynyń mádenıetin zerttep, máselelerin kórsetip júrgen. Osyǵan baılanysty brakonerler men esirtki satýshylardan birneshe ret eskertý alǵan.

Olar maýsym aıynyń basynda Perýmen shekaraǵa jaqyn mańdaǵy Javarı nýynda joǵaldy. Ekeýiniń denesi bir apta buryn djýnglıden tabyldy.

Osy oqıǵaǵa baılanysty birneshe kúdikti ustaldy. Keıbiri kinálaryn moıyndap, bolǵan jaıtty baıandap ta berdi.

Alaıda, narazylyq bildirýshiler olardy óltirýge tapsyrys bergen naqty qylmyskerlerdiń ustalatynyna senimsizdik tanytty. Olar sondaı-aq, jergilikti halyqtar isi jónindegi agenttik (FUNAI) basshysy Marselo Ksaverdiń árketsizdigin aıtyp, ornynan ketýin talap etti.


Uqsas jańalyqtar

Jańalyqtar

Úrdis

MURAǴAT