Brazılııada Covid-19 patsıentterine ottegi jetispeı jatyr

BRAZILIA. QazAqparat - Brazılııanyń Manaýs qalasynyń (Amazonas astanasy) turǵyndary bılikti sanıtarlyq daǵdarysty jeńe almady dep aıyptap otyr. Jergilikti aýrýhanalarda Covid-19 aýyr túrine shaldyqqan naýqastarǵa ottegi jetispeıdi, dep habarlaıdy QazAqparat Euronews-ke silteme jasap.

Uqsas jańalyqtar

ShQO-da dúkenge maska taqpaı kirgen adamǵa aıyppul salyndy

Qazaqstan men Ózbekstannyń vıtse-premerleri COVID-19-ǵa qatysty birlesken sharalardy talqylady «Ashyq» mobıldi qosymshasy bar elordada kásipkerlik sýbektileri jumysyn bastady Túrkistan oblysynda qoǵamdyq tamaqtaný oryndarynyń jumysy qaıta jandandy

Naýqastardyń týystary ottegi ballondaryn alyp, olardy klınıkaǵa jetkizý úshin uzyn-sonar kezekke turýǵa májbúr. Ótken jyldyń 26 aqpanynda ınfektsııanyń alǵashqy jaǵdaıy rastalǵan Brazılııa AQSh pen Úndistannan keıin eń kóp vırýs juqtyrǵan memleketter tiziminde úshinshi orynda. Bılik Amazonastaǵy keıbir aýyr naýqastardy eldiń basqa aımaqtaryndaǵy medıtsına mekemelerine aýystyrýǵa sheshim qabyldady. 60 shaqalaqty jańa týǵan nárestelerge arnalǵan bólimshelerde emdeý úshin Manaýstan aýystyrdy.

Respýblıka Prezıdenti Djeır Bolsonarý ottegi problemasy bar ekendigin moıyndaıdy: «Biz qashanda qoldan keler kómekti aıamaımyz. Manaýstaǵy jaǵdaı qıyn. Degenmen jumystyń bizge tıesiligi bóligin oryndadyq».

Brazılııa áýe kúshteriniń ushaǵy Amazonas aýrýhanalaryna toǵyz ottegi ballonyn apardy. Sońǵy bes kúnde shtattyń aýrýhanalaryna 400-ge jýyq ballon jetkizildi.

Aıta ketsek, ótken aptada Brazılııada koronavırýs ınfektsııasynyń 360 myńǵa jýyq jaǵdaıy tirkelgen bolatyn.