Brazılııada bir táýlikte koronavırýstan 1 300 adam qaıtys boldy

BRAZILIA. QazAqparat – Brazılııada bir táýlikte koronavırýs juqtyrýdyń 41 857 jaǵdaıy tirkelip, osy indetten 1300 adam kóz jumdy. Buny eldiń Densaýlyq saqtaý mınıstrligi de moıyndap otyr, dep habarlaıdy QazAqparat Agencia Brasil agenttigine silteme jasap.

Uqsas jańalyqtar

Koronavırýs statıstıkasy óskenine alańdamaý kerek - Almaty ákimi

Almatylyq ınfektsıonıst koronavırýstan saqtaný jáne emdelý jónindegi basty suraqtarǵa jaýap berdi Shymkentte  koronavırýstan 3,3 myń naýqas emdelip shyqty Shymkenttegi mobıldi toptar 53 myń naýqasty tegin dári-dármekpen qamtamasyz etti

Búgingi tańda elde koronavırýstan qaıtys bolǵandar sany 74 000 adamǵa jetti. Brazılııanyń tarıhı qalasy Orý-Pretýde osynshama halyq turady eken. Koronavırýstan qaıtys bolǵandar sany dúısenbimen (13 shilde) salystyrǵanda 1,7 paıyzǵa artty. Ol kúni indetten kóz jumǵandar sany 72 833-ke jetken bolatyn.

Pandameııa bastalǵaly koronavırýs ınfektsııasymen naýqastanǵandar Brazılııada 1 926 000-nan asty. Eger buny qala turǵyndarynyń sanymen alsaq, ol Brazılııadaǵy halqy eń tyǵyz ornalasqan 9-shy qala bolar edi.

Resmı derekter boıynsha, elde 1 209 000 adam COVID-19 indetinen emdelip shyqty. Búgingi tańda 3 928 ólimge qatysty tergeý júrip jatyr.