Brakonerler memleketke 21 mln teńge shyǵyn ákeldi
2021 jylǵy 29 qarasha 12:58

Brakonerler memleketke 21 mln teńge shyǵyn ákeldi

NUR-SULTAN. QazAqparat – Brakonerlik jasaǵan 3 myńnan astam adam ustaldy. Bul týraly QR ІІM resmı ókili Nurdildá Oraz málim etti, dep habarlaıdy QazAqparat tilshisi.

«Brakoner» jedel aldyn alý is-sharasy barysynda zańsyz daıyndalǵan 227 tekshe metr aǵash, 9,8 tonna balyq, onyń ishinde 1,5 tonna bekire, 17 kıik múıizi, 462 quqyq buzýshylyq jasalǵan qarý, onyń ishinde 142 birlik ańshy myltyǵy tárkilendi. Atalǵan faktiler boıynsha ekologııalyq zańdy buzýǵa qatysty 120 sotqa deıingi tergeý bastaldy», - dedi resmı ókil ІІM baspasóz alańynda ótken brıfıngte.

Onyń atap ótýinshe, ákimshilik jaýapkershilikke 3 myńnan astam quqyq buzýshy tartylǵan.

«Zań buzý faktileri boıynsha memleketke kelgen shyǵyn somasy 21 mln teńgeden asyp túsedi. Máselen, Aqtóbe oblysynda Qyzyl kitapqa kiretin qaraǵashty zańsyz kesken azamat ustaldy. Batys Qazaqstan oblysynda sharýa qojalyǵynyń jumysshysy kıik óltirgen», - dedi Nurdildá Oraz.


Uqsas jańalyqtar

Jańalyqtar

Úrdis

MURAǴAT