Bozjyrada týrıstik nysan salý máselesi kún tártibinen túsken joq – Nurlan Noǵaev
2022 jylǵy 30 maýsym 12:21

Bozjyrada týrıstik nysan salý máselesi kún tártibinen túsken joq – Nurlan Noǵaev

NUR-SULTAN. QazAqparat – Mańǵystaý oblysynyń ákimi Nurlan Noǵaev ortalyq kommýnıkatsııalar qyzmetinde ótken brıfıngide Bozjyrada qonaq úı keshenin salýdyń keleshegi týraly pikir bildirdi, dep habarlaıdy QazAqparat tilshisi.

«Bozjyrany oblystyń kórnekti oryndarynyń biri retinde ıgerý máselesi kóterilgen kezde qoǵamdyq rezonans týyndaǵany ras. Keıin ol joba toqtatyldy», - dedi aımaq basshysy.

Onyń málimeti boıynsha, Bozjyradan 4 shaqyrym jerde qonaqúı jáne basqa da nysandar salý múmkindigi bar degen sheshim qabyldanǵan.

«Biz qonaqúı salǵymyz kele me, joq pa, oǵan qaramastan Bozjyra, Tuzbaıyr, Sherqala sııaqty ádemi oryndarǵa týrıster báribir kelip jatyr. Kele beredi de. Sondyqtan búginge biz kásipkerlermen birge sapar ortalyqtarynyń qurylysyn uıymdastyryp jatyrmyz. ıAǵnı, kelýshiler túnep, qajetti servıs alatyn ǵımarattar salynady. Osy turǵydan alǵanda máseleniń basy áli ashyq qalyp otyr. Bozjyrada ne salatynymyz týraly naqty túsinik joq. ıAǵnı, másele kún tártibinen alynǵan joq», - dedi Nurlan Noǵaev.

Eske salsaq, Mańǵystaý oblysy ákimdiginiń baspasóz qyzmeti Bozjyrada qonaq úı kesheni salynbaıtyn bolǵanyn rastaǵan edi.


Seriktester jańalyqtary

Jańalyqtar

Úrdis

MURAǴAT